فوتو: Gov.kz
بٷگٸن وقۋ-اعارتۋ مينيسترٸ عاني بەيسەمباەۆ پەن تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ جاسلان مەديەۆ 2025–2029 جىلدارعا ارنالعان ورتا, تەحنيكالىق جەنە كەسٸپتٸك, سونداي-اق ورتا بٸلٸمنەن كەيٸنگٸ بٸلٸم بەرۋ جٷيەسٸنە جاساندى ينتەللەكتٸنٸ ەنگٸزۋدٸڭ تۇجىرىمدامالىق نەگٸزدەرٸن بەكٸتۋ تۋرالى بٸرلەسكەن بۇيرىققا قول قويدى, دەپ حابارلايدى Ult.kz.
قۇجات مەملەكەت باسشىسىنىڭ قازاقستان حالقىنا جولداۋىندا بەرٸلگەن تاپسىرماسى اياسىندا ەزٸرلەنٸپ, بٸلٸم بەرۋ جٷيەسٸن جاڭعىرتۋدىڭ ماڭىزدى كەزەڭٸنە اينالدى. العاش رەت بٸلٸم بەرۋ سالاسىندا جاساندى ينتەللەكتٸنٸ قولدانۋدىڭ بٸرىڭعاي ۇلتتىق ستاندارتتارى بەكٸتٸلٸپ, وعان ەتيكا, قۇقىقتىق رەتتەۋ, دەربەس دەرەكتەردٸ قورعاۋ جەنە اكادەمييالىق ادالدىق مەسەلەلەرٸ ەنگٸزٸلدٸ.
بۇل تۇجىرىمداما مەكتەپتەردٸ عانا ەمەس, تەحنيكالىق جەنە كەسٸپتٸك بٸلٸم بەرۋ ۇيىمدارىن دا قامتيدى. ول جاساندى ينتەللەكتكە ارنالعان ارنايى تاقىرىپتاردى وقۋ پروتسەسٸنە ەنگٸزۋدٸ, زاماناۋي تسيفرلىق وقۋلىقتار شىعارۋدى, وقۋشىلاردىڭ جي بويىنشا ساۋاتتىلىعىن قالىپتاستىرۋدى جەنە ولاردىڭ جوبالىق قابٸلەتتەرٸن دامىتۋعا جاعداي جاساۋدى كٶزدەيدٸ. سونىمەن قاتار, پەداگوگتەردٸڭ كەسٸبي دەڭگەيٸن Acquire → Deepen → Create ٷشساتىلى ٷلگٸسٸ بويىنشا جەتٸلدٸرۋدٸ قامتاماسىز ەتەدٸ.
قۇجاتتا بالانىڭ قۇقىقتارىن قورعاۋ مەن پەداگوگتٸڭ كەسٸبي بەدەلٸن ساقتاۋ مەسەلەسٸنە ايرىقشا مەن بەرٸلگەن. مەكتەپتەر مەن كوللەدجدەردە جاساندى ينتەللەكتٸنٸ پايدالانۋداعى ەتيكا مەن اكادەمييالىق ادالدىقتىڭ ورتاق قاعيدالارى بەكٸتٸلەدٸ.
«بٸرلەسكەن بۇيرىققا قول قويۋ – ەلٸمٸزدٸڭ بٸلٸم بەرۋ جٷيەسٸن دامىتۋدىڭ جاڭا بەلەسٸ. تۇجىرىمداما ستراتەگييالىق باسىمدىقتاردى ناقتىلاپ قانا قويماي, ونى ٸسكە اسىرۋدىڭ ايقىن مەحانيزمٸن, مونيتورينگ جٷيەسٸن جەنە جول كارتاسىن بەكٸتەدٸ. بۇل جاساندى ينتەللەكتٸنٸ مەكتەپتەر مەن كوللەدجدەردە جٷيەلٸ ەرٸ قاۋٸپسٸز ەنگٸزۋگە جاعداي جاسايدى. جاساندى ينتەللەكت پەداگوگتٸڭ ورنىن باسپايدى, قايتا ونىڭ رٶلٸن ارتتىرادى. سەبەبٸ, بٸلٸم بەرۋ پروتسەسٸندەگٸ تٷپكٸلٸكتٸ شەشٸمدەردٸ ادام قابىلدايدى», – دەدٸ مينيستر عاني بەيسەمباەۆ.
قازاقستان يۋنەسكو, ەىدۇ جەنە ەۋروپالىق وداقتىڭ ۇسىنىمدارىن نەگٸزگە الا وتىرىپ, بۇل باعىتتا ٶزٸندٸك ۇلتتىق جولىن ايقىنداعان العاشقى ەلدەردٸڭ بٸرٸ بولدى.
«بٸلٸم بەرۋ سالاسىنا جاساندى ينتەللەكتٸنٸ ەنگٸزۋ – قازاقستاننىڭ اۋقىمدى تسيفرلىق جاڭعىرۋ ستراتەگيياسىنىڭ قۇرامداس بٶلٸگٸ. بٸز بالالار مەن جاستاردىڭ تەك زاماناۋي قۇرالداردىڭ قولدانۋشىسى ەمەس, سولاردىڭ قۇراستىرۋشىسى بولۋىنا مٷمكٸندٸك اشىپ وتىرمىز. ۇسىنىلىپ وتىرعان تۇجىرىمداما – بولاشاق تەحنولوگييالارىن ەركٸن مەڭگەرگەن, سونىمەن قاتار ۇلتتىق قۇندىلىقتار مەن اكادەمييالىق ادالدىقتى ساقتاعان جاڭا بۋىندى قالىپتاستىرۋعا جول اشادى», – دەپ اتاپ ٶتتٸ جاسلان ماديەۆ.
ايتا كەتەيٸك, 2025–2026 وقۋ جىلىنان باستاپ «تسيفرلىق ساۋاتتىلىق» پەن «ينفورماتيكا» پەندەرٸنە جاساندى ينتەللەكت ەلەمەنتتەرٸ ەنگٸزٸلدٸ. وقۋشىلار ٷشٸن Day of AI ەدٸستەمەلٸك كەشەنٸ ەزٸرلەنٸپ, پەداگوگتەر ٷشٸن ارنايى بٸلٸكتٸلٸكتٸ ارتتىرۋ باعدارلامالارى ٸسكە قوسىلدى.
