Habar 24" siýjetinen kadr
Aldaǵy 5-10 jylda Qazaqstan jaryqtan da, jylýdan da qaǵylyp qalýy ábden múmkin, - dep habarlaidy Tengrinews.kz tilshisi 24.kz saityna silteme jasap.
Elektroenergetikalyq qaýymdastyq tóraǵasy muny joqqa shyǵarmaidy.
Talǵat Temirhanovtyń aitýynsha, elde 62 jylý elektr ortalyǵy bar. Solardyń 90 paiyzy tozǵan. Bul problemany sarapshylar burynnan qozǵap kele jatqanyn aitady. Biraq eshbir quzyrly organ olarǵa qulaq aspapty. Saldaryn kórip te úlgirdik deidi. Petropavldaǵy apatty mysal etti. Sosyn Qazaqstanda energiia tapshylyǵy qazirden sezilip turǵanyn jetkizdi. Eger jaýaptylar osy máseleni dereý sheshpese, jaǵdaiy jyldan jylǵa qiyndai bermek. Energetikter salada qordalanyp qalǵan máselelerdi túgel tizip, Prezidenttiń atyna hat joldady.
"Bizdegi jylý jelileriniń 90 paiyzy 60, 70-jyldary júrgizilgen. Qazir solar shetinen shirip, tozyp jatyr. Jyl saiyn osy jelilerdiń isten shyǵyp, apat bolǵanyn estip jatamyz. Buǵan bei-jai qaraityn bolsaq, aldaǵy 5-10 jylda Qazaqstan jylýdan da, jaryqtan da qaǵylyp qalady. Qaiǵyly oqiǵalar da bolýy múmkin. Biz ony taiaýda ǵana Petropavlda bolǵan oqiǵa kezinde kórdik", - deidi Qazaqstan elektroenergetikalyq qaýymdastyǵynyń tóraǵasy Talǵat Temirhanov.
