"قازاقستان جارىقتان دا, جىلۋدان دا قاعىلۋى مٷمكٸن". ساراپشىلار دابىل قاقتى

تالعات تەمٸرحانوۆتىڭ ايتۋىنشا, ەلدە 62 جىلۋ ەلەكتر ورتالىعى بار. سولاردىڭ 90 پايىزى توزعان. بۇل پروبلەمانى ساراپشىلار بۇرىننان قوزعاپ كەلە جاتقانىن ايتادى. بٸراق ەشبٸر قۇزىرلى ورگان ولارعا قۇلاق اسپاپتى. سالدارىن كٶرٸپ تە ٷلگٸردٸك دەيدٸ. پەتروپاۆلداعى اپاتتى مىسال ەتتٸ. سوسىن قازاقستاندا ەنەرگييا تاپشىلىعى قازٸردەن سەزٸلٸپ تۇرعانىن جەتكٸزدٸ. ەگەر جاۋاپتىلار وسى مەسەلەنٸ دەرەۋ شەشپەسە, جاعدايى جىلدان جىلعا قيىنداي بەرمەك. ەنەرگەتيكتەر سالادا قوردالانىپ قالعان مەسەلەلەردٸ تٷگەل تٸزٸپ, پرەزيدەنتتٸڭ اتىنا حات جولدادى.  

"بٸزدەگٸ جىلۋ جەلٸلەرٸنٸڭ 90 پايىزى 60, 70-جىلدارى جٷرگٸزٸلگەن. قازٸر سولار شەتٸنەن شٸرٸپ, توزىپ جاتىر. جىل سايىن وسى جەلٸلەردٸڭ ٸستەن شىعىپ, اپات بولعانىن ەستٸپ جاتامىز. بۇعان بەي-جاي قارايتىن بولساق, الداعى 5-10 جىلدا قازاقستان جىلۋدان دا, جارىقتان دا قاعىلىپ قالادى. قايعىلى وقيعالار دا بولۋى مٷمكٸن. بٸز ونى تاياۋدا عانا پەتروپاۆلدا بولعان وقيعا كەزٸندە كٶردٸك", - دەيدٸ قازاقستان ەلەكتروەنەرگەتيكالىق قاۋىمداستىعىنىڭ تٶراعاسى تالعات تەمٸرحانوۆ.