Foto: Gov.kz
Vashingtonda QR Jasandy intellekt jáne tsifrlyq damý ministrligi, QR Ǵylym jáne joǵary bilim ministrligi, «Qazaqtelekom» AQ, Freedom Holding Corp. jáne OpenAI, Inc. kompaniiasy jasandy intellekt tehnologiialaryn qoldaný arqyly bilim berý men tsifrlyq daǵdylardy damytýǵa baǵyttalǵan yntymaqtastyq týraly memorandýmǵa qol qoidy, dep habarlaidy Ult.kz.
Kelisim aiasynda elimizdegi pedagogterge ChatGPT-diń bilim berý uiymdaryna arnalǵan nusqasy – ChatGPT Edu platformasyn qoldaný múmkindigi beriledi. Platforma bilim berý salasynda OpenAI-dyń zamanaýi modelderine qoljetimdilikti qamtamasyz etedi. Sonymen qatar, júie derekter qaýipsizdigi men qupiialylyǵyn jáne ákimshilik basqarýdy joǵary deńgeide qorǵaidy. ChatGPT Edu qyzmetinde derekterdi taldaý, qujattardy qysqasha mazmundaý jáne jeke GPT-assistentterin qurý fýnktsiialary bar. Nátijesinde muǵalimderdiń ýaqyty únemdelip, ákimshilik jáne tehnikalyq jumystary jeńildeidi.
Memorandýmǵa sáikes, pedagogterge 3 jylda jyl saiyn keminde 165 000 OpenAI litsenziiasyn berý josparlanyp otyr.
«Búkil álemdegi ustazdar ákimshilik júktemeni azaityp, ýaqytyn oqytý men oqýshylardyń damýyna arnaýy úshin jasandy intellektini qoldanyp keledi. Tiisti qoldaý kórsetilse, muǵalimder men oqytýshylar bul quraldardy tiimdi igerip, bilim berý úderisinde jasandy intellekt múmkindikterin barynsha paidalana alady. Qazaqstan Úkimetimen jasalǵan kelisim jergilikti pedagogterge ChatGPT-ni qoldanýǵa jáne JI-diń artyqshylyqtaryn bilim berý júiesine engizýge jaǵdai jasaidy», – deidi, OpenAI bilim berý jáne memlekettik baǵdarlamalar GTM baǵyty boiynsha jetekshisi Kevin Mills.
Atalǵan bastama Qazaqstannyń tsifrlyq transformatsiia jáne adami kapitaldy damytý jónindegi ulttyq strategiiasyn qoldai otyryp, pedagogterge ozyq halyqaralyq tehnologiialarǵa qol jetkizýge jol ashady. Kelisimdi iske asyrý innovatsiialyq oilaý, syni taldaý jáne kreativtilik daǵdylaryn damytýǵa, sondai-aq pedagogterdiń tsifrlyq quzyretterin nyǵaitýǵa yqpal etedi.
