Qazaqstan iadrolyq-otyn tsikliniń tiginen integratsiialanǵan keshenin qurýdy kózdeidi. Bul týraly Úkimet otyrysynda QR Energetika ministri Maǵzum Myrzaǵaliev aitty, dep habarlaidy QazAqparat tilshisi.
«2009 jyldan bastap óndiriletin tabiǵi ýran kólemi boiynsha Qazaqstan álemde birinshi oryn alady. Búgingi tańda Qazaqstan tabiǵi ýrandy óndirýge jáne jetkizýge ǵana emes, sonymen qatar joǵary bólinistegi ýran ónimin óndirýge jáne ótkizýge de múddeli. Osy maqsatta iadrolyq-otyn tsikliniń tiginen integratsiialanǵan keshenin qurý kózdeledi», - dedi óńdeý ónerkásibin damytý týraly baiandaǵan ministr.
Onyń dereginshe, «Úlbi metallýrgiia zaýytynda» qýaty jylyna 317 tonna ýran dioksidi untaqtaryn óndirý, 155 tonna skraptardy qaita óńdeý jáne 400 tonna otyn tabletkalaryn óndirý boiynsha jobalar iske asyryldy.
«Budan basqa, aǵymdaǵy jyly «Qazatomónerkásip» qytailyq áriptesi China General Nuclear Power Company-men birlesip, «Úlbi metallýrgiia zaýytynyń» bazasynda qýaty 200)tonna jylý bólgish qurastyrmalardyń daiyn iadrolyq otynyn shyǵaratyn zaýyt salý jobasyn iske asyrdy», - dedi Maǵzum Myrzaǵaliev.
