Búginde Qazaqstan koronavirýs indetine qarsy vaktsina óndirýshi birneshe kompaniiamen kelissóz júrgizip jatyr. Bul týraly QR Densaýlyq saqtaý ministrligi sanitariialyq-epidemiologiialyq baqylaý komitetiniń tóraǵasy Aijan Esmaǵambetova málim etti, dep habarlaidy QazAqparat.
«Keshe elimizge Pfizer vaktsinasyn jetkizý týraly aldyn ala kelisimniń júrgizilgeni belgili. Kelissózder naýryz aiynan bastap júrgizilip keledi. Vaktsina jetkizýge qatysty bizdiń tarapymyzǵa birneshe qatań talaptar boldy, osy oraida ony jetkizý máselesi qosymsha ýaqytty talap etti. Kelisimshartqa sáikes, Pfizer vaktsinasyn jetkizý ýaqyty ázirge qyzmettik qupiia bolyp tabylady. Belgilisi biylǵy jyldyń tórtinshi toqsany dep aitqym keledi. Qazaqstanǵa vaktsinany jetkizý týraly barlyq kompaniialarmen kelissózder júrip jatyr. Onyń ishinde Sinofarm , Moderna vaktsinasyn óndiretin qytailyq kompaniialarmen kelissóz júrgizilip, olardyń talaptary anyqtalýda. Iaǵni kelissózder barlyq vaktsina óndirýshilermen júrgizilip jatyr», - dedi Aijan Esmaǵambetova OKQ-de ótken baspasóz máslihatynda.
Aita ketsek, keshe Qazaqstanda reseilik «Spýtnik Lait» vaktsinasy tirkeldi. Bul týraly QR DSM Meditsinalyq jáne farmatsevtikalyq baqylaý komiteti habarlaǵan bolatyn.
«Qazirgi ýaqytta Qazaqstanda balalardyń da vaktsina alý múmkindigin qarastyryp jatyrmyz. Sebebi elimizde 12-18 jastaǵy 2 mln-ǵa jýyq jasóspirim bar, bul úlken kórsetkish. Onyń ústine balalardyń arasynda da atalǵan indetke shaldyǵyp jatqandar joq emes. Iaǵni bizdiń aldymyzda tek eresekterdi emes balalardyń da densaýlyǵyn saqtap, qorǵaý máselesi tur. Árine balalarǵa vaktsina salý tek qana ata-anasynyń nemese asyraýshynyń ruqsatymen ǵana júrgiziledi», - deidi ol.
