QR Densaýlyq saqtaý ministri Aleksei Tsoi eldegi vaktsinatsiia júrgizý qarqynyn baiandady, dep habarlaidy QazAqparat.
«Vaktsinatsiia jumystary turaqty qarqynmen júrýde. Qazaqstan álemde vaktsina alǵan azamattar sany boiynsha 57-shi orynda tur. Bul óte jaqsy pozitsiia jáne qarqyny da qalypty. Eger vaktsinatsiianyń bastapqy kezeńinde kúsh salar bolsaq, bul halyqtyń vaktsinadan bas tartýyna ákelýi múmkin. Esh asyqtyrý bolmaý kerek. Bastapqy kezeńde naqty túsindirý, mysal keltirý, júieniń daiyndyǵy, meditsina qyzmetkerleri men vaktsinalaý pýnktteriniń daiyndyǵy bolýy kerek», - ministr Ortalyq kommýnikatsiialar qyzmetinde ótken brifingide.
«Vaktsinany halyqqa jetkizý úshin jyljymaly refrijeratorlar bolýy, shalǵai eldimekenderdi qamtamasyz etý óte mańyzdy boldy. Saýda ortalyqtarynda jabdyqtalǵan oryndar ashyldy jáne olar shuǵyl kómek kórsetý boiynsha arnaiy jinaqtarmen jabdyqtaldy, barlyq aǵyn pysyqtaldy. Logistika óte úlken. Eń bastysy, bul - evoliýtsiialyq protsess. Qazir azamattardyń ózderi elimizde qoljetimdi vaktsinany alýǵa tyrysyp jatyr», - dedi A. Tsoi.
