Qazaqstandyq joǵary oqý oryndary jumys berýshilermen yntymaqtastyqty nyǵaityp jatyr. Sondai-aq ýniversitetter eńbek naryǵynyń suranysyna qarai bilim berý baǵdarlamalaryn ázirleidi, dep habarlaidy BǴM baspasóz qyzmeti.
Qazir stýdentter óndiristik tájiribeden ótip, oqýdy aiaqtaǵan soń elimizdiń jetekshi kompaniialary men kásiporyndaryna jumysqa ornalasyp jatyr.
Ýniversitetter «Arselor Mittal Temirtaý», «QazTransOil», «Mańǵystaýmunaigaz», «Jáirem taý-ken baiytý kombinaty», Parhomenko atyndaǵy Qaraǵandy mashina jasaý zaýyty, «Sokolov-Sarybai taý-ken baiytý óndiristik birlestigi», «Qazaqstan Ǵarysh Sapary» UK», «Kaspi bank», «Samuryq-Qazyna» Ulttyq ál-aýqat qory» jáne tbasqa da kompaniialarmen kelisimsharttar men yntymaqtastyq týraly memorandýmdarǵa qol qoidy.
Mysaly, L.N. Gýmilev atyndaǵy Eýraziia ulttyq ýniversiteti «Samuryq-Qazyna» AQ, «Ulttyq ǵaryshtyq zertteýler jáne tehnologiialar ortalyǵy» AQ, «Ulttyq aqparattyq tehnologiialar» AQ, «Qazaqstan Ǵarysh Sapary» UK» AQ, «Elektrondy qarjy ortalyǵy» AQ, Qazaqstan Munai-gaz-energetika kesheni uiymdarynyń qaýymdastyǵy, «Qazatomónerkásip» Ulttyq atom kompaniiasy» AQ, «Ulttyq biotehnologiia ortalyǵy» RMK, «Qazgeodeziia» RMK, «Qazgidromet» RMK jáne t.b. kelisimge keldi.
EUÝ-de bilim berý sapasyn arttyrýǵa, kadrlardy daiarlaýǵa, stýdentterdiń óndiristik praktikadan ótýine jáne túlekterdiń jumysqa ornalasýyna járdemdesetin Jumys berýshiler keńesi jumys isteidi. Jumys berýshiler bilim berý baǵdarlamalaryn ázirleýge jáne saraptaýǵa da qatysady. JOO stýdentteri men túlekteri úshin jumys berýshiler bos oryndar jármeńkesin, konferentsiialar, kórmeler, kásiporyndarda ekskýrsiialar, seminarlar, sheberlik sabaqtaryn ótkizedi.
Jumysqa ornalasý boiynsha eń joǵary kórsetkishter – Toraiǵyrov ýniversiteti túlekterinde shamamen 98%. Ýniversitet oblystaǵy iri kásiporyndarmen 270 yntymaqtastyq kelisimshartyn jasasqan. Olardyń ishinde «Qazaqstan aliýminiii» AQ, «ERG Service» AQ, Aqsý ferroqorytpa zaýyty, Qazaqstan elektroliz zaýyty, Pavlodar munai-himiia zaýyty, Ekibastuz GRES-1 jáne t.b. bar. Toraiǵyrov atyndaǵy ýniversitettiń stýdentteri birinshi kýrstan bastap oblys kásiporyndarynda dýaldy oqytýdan ótedi, sonymen qatar jumys berýshilerden aqyly taǵylymdamadan jáne tájiribeden ótedi.
«Qazir ýniversitetter bilim berý baǵdarlamalaryn ázirlep, kadrlardy tartý kezinde jumys berýshilerdiń suranystaryna nazar aýdarady. Birqatar otandyq joǵary oqý ornynda Mansap jáne kásibi damý ortalyqtary jumys isteidi. Olar jumys berýshilermen birlese otyryp, bos jumys oryndary jármeńkelerin, prezentatsiialar uiymdastyrady, stýdentter men túlekterge jumysqa ornalasý múmkindikteri men kásibi tájiribeden ótý týraly aqparat beredi. Osylaisha Mansap ortalyqtary túlekterge jumysqa ornalasýǵa jáne kásibi áleýetin iske asyrýǵa kómektesedi. 2021 jyly ýniversitetter 100-den astam bos jumys oryndary jármeńkesi, 200-ge jýyq kezdesý ótkizdi. Olarǵa 115 myńǵa jýyq ýniversitet stýdentteri, sondai-aq 2 800-den astam mekeme, kásiporyndar men kompaniialardyń ókili qatysty», - dep túsindirdi QR BǴM Joǵary jáne joǵary oqý ornynan keiingi bilim departamentiniń direktory Ádilet Toibaev.
