Foto: Ulttyq bank
Qazaqstan Respýblikasynyń Ulttyq banki «Sport» seriiasy aiasynda «OLYMPIC GAMES 2026. SHORT TRACK» ataýymen jańa kollektsiialyq monetanyń shyǵarylatynyn málimdedi, dep habarlaidy Ult.kz.
Atalǵan estelik moneta qysqy Olimpiada oiyndaryna arnalǵan.
Nominaly 1000 teńge bolatyn moneta 925 synamaly kúmisten soǵylǵan. Óndiris barysynda tústi basyp shyǵarý tehnologiiasy qoldanylyp, proof sapasynda daiyndalǵan. Monetanyń salmaǵy – 20 gramm, diametri – 37 mm.
Ulttyq banktiń málimetinshe, kollektsiialyq monetanyń jalpy taralymy 2000 danamen shekteledi. Jańa ónim nýmizmattar men sport jankúierleri úshin erekshe qyzyǵýshylyq týdyrýy múmkin.
