Ýkrainaǵa Qazaqstannan jetkiziletin podshipnik pen mineraldy tyńaitqysh boiynsha jergilikti bilik dempingke qarsy tergeý jáne arnaiy qorǵaý sharalaryn qabyldaýy múmkin. Qazaqstan osyǵan orai alańdaýshylyq bildirdi, dep habarlaidy "Ult aqparat".
QR Saýda jáne integratsiia vitse-ministri Janel Kýshýkova Ýkrainanyń Ekonomika, saýda jáne aýyl sharýashylyǵy ministriniń orynbasary – Saýda ókili Taras Kachkanyń jetekshiligimen kelgen Ýkraina delegatsiiasymen saýda sharalary máseleleri boiynsha kezdesti.
«Kezdesýde Janel Kýshýkova Ýkrainanyń qazaqstandyq podshipnikteri men mineraldy tyńaitqyshtardy óndirýshi kásiporyndarǵa qatysty qorǵaý sharalaryn qabyldaýy múmkindigi jóninde alańdaýshylyq bildirdi.
Qazirgi ýaqytta Ýkraina tarapy Qazaqstan jasap jetkizetin podshipnikterge dempingke qarsy tergep-tekserý jáne mineraldy tyńaitqyshtarǵa qatysty arnaiy qorǵaý tergep-tekserý júrgizýde», delingen habarlamada.
«Qazaqstan tarapy Ýkraina biligi júrgizip jatqan qorǵaý tergep-tekserýlerine alańdaýshylyq bildiredi. Ýkraina naryǵy qazaqstandyq terbermeli moiyntirekter men mineraldy tyńaitqyshtardy óndirýshiler úshin dástúrli bolyp tabylady jáne olardy Qazaqstannan jetkizýge qatysty kedergilerdi belgileý qazaqstandyq óndirýshilerdiń ekonomikalyq jaǵdaiyn aitarlyqtai qiyndatýy múmkin», – dedi Janel Kýshýkova.
Óz kezeginde, Ýkraina tarapy Eýraziialyq ekonomikalyq komissiia júrgizetin dempingke qarsy tergep-tekserýler týraly jáne EAEO elderi Ýkrainadan shyqqan taýarlarǵa qatysty qoldanatyn saýda sharalary týraly máselelerdi kóterdi.
Kezdesý aiasynda taraptar 2020 jylǵy 8-11 maýsymda Nur-Sultan qalasynda ótetin DSU-nyń aldaǵy 12-shi ministrlik konferentsiiasynyń keibir máseleleri boiynsha pikir almasty, onda Ýkraina tarapy biznespen birlesip DSU kún tártibinde turǵan ózekti máselelerdi qaraýǵa qatysýdy josparlap otyr.
Taraptar budan basqa ekijaqty úkimetaralyq komissiia ótkizý múmkindigin, sondai-aq ekijaqty saýdany odan ári damytý máselelerin talqylady.
Aita keterligi, Qazaqstanda terbermeli moiyntirekterdi «EPK Stepnogorsk» AQ ǵana óndiredi. Kásiporyn byltyr Ýkraina temir joldaryna podshipnikter jetkizýge tender utyp aldy. Ýkrainaǵa terbermeli moiyntirekterdiń ortasha jyldyq importy 2,1 myń tonna. Al, Qazaqstanda mineraldy tyńaitqyshtardy óndirýshi eki kásiporyn bar: «Qazfosfat» JShS jáne «QazAzot» AQ. Eki kásiporyn da jylyna orta eseppen Ýkraina naryǵyna 113 myń tonna mineraldyq tyńaitqysh jetkizedi.
