ۋكرايناعا قازاقستاننان جەتكٸزٸلەتٸن پودشيپنيك پەن مينەرالدى تىڭايتقىش بويىنشا جەرگٸلٸكتٸ بيلٸك دەمپينگكە قارسى تەرگەۋ جەنە ارنايى قورعاۋ شارالارىن قابىلداۋى مٷمكٸن. قازاقستان وسىعان وراي الاڭداۋشىلىق بٸلدٸردٸ, دەپ حابارلايدى "ۇلت اقپارات".
قر ساۋدا جەنە ينتەگراتسييا ۆيتسە-مينيسترٸ جانەل كۋشۋكوۆا ۋكراينانىڭ ەكونوميكا, ساۋدا جەنە اۋىل شارۋاشىلىعى مينيسترٸنٸڭ ورىنباسارى – ساۋدا ٶكٸلٸ تاراس كاچكانىڭ جەتەكشٸلٸگٸمەن كەلگەن ۋكراينا دەلەگاتسيياسىمەن ساۋدا شارالارى مەسەلەلەرٸ بويىنشا كەزدەستٸ.
«كەزدەسۋدە جانەل كۋشۋكوۆا ۋكراينانىڭ قازاقستاندىق پودشيپنيكتەرٸ مەن مينەرالدى تىڭايتقىشتاردى ٶندٸرۋشٸ كەسٸپورىندارعا قاتىستى قورعاۋ شارالارىن قابىلداۋى مٷمكٸندٸگٸ جٶنٸندە الاڭداۋشىلىق بٸلدٸردٸ.
قازٸرگٸ ۋاقىتتا ۋكراينا تاراپى قازاقستان جاساپ جەتكٸزەتٸن پودشيپنيكتەرگە دەمپينگكە قارسى تەرگەپ-تەكسەرۋ جەنە مينەرالدى تىڭايتقىشتارعا قاتىستى ارنايى قورعاۋ تەرگەپ-تەكسەرۋ جٷرگٸزۋدە», دەلٸنگەن حابارلامادا.
«قازاقستان تاراپى ۋكراينا بيلٸگٸ جٷرگٸزٸپ جاتقان قورعاۋ تەرگەپ-تەكسەرۋلەرٸنە الاڭداۋشىلىق بٸلدٸرەدٸ. ۋكراينا نارىعى قازاقستاندىق تەربەرمەلٸ مويىنتٸرەكتەر مەن مينەرالدى تىڭايتقىشتاردى ٶندٸرۋشٸلەر ٷشٸن دەستٷرلٸ بولىپ تابىلادى جەنە ولاردى قازاقستاننان جەتكٸزۋگە قاتىستى كەدەرگٸلەردٸ بەلگٸلەۋ قازاقستاندىق ٶندٸرۋشٸلەردٸڭ ەكونوميكالىق جاعدايىن ايتارلىقتاي قيىنداتۋى مٷمكٸن», – دەدٸ جانەل كۋشۋكوۆا.
ٶز كەزەگٸندە, ۋكراينا تاراپى ەۋرازييالىق ەكونوميكالىق كوميسسييا جٷرگٸزەتٸن دەمپينگكە قارسى تەرگەپ-تەكسەرۋلەر تۋرالى جەنە ەاەو ەلدەرٸ ۋكراينادان شىققان تاۋارلارعا قاتىستى قولداناتىن ساۋدا شارالارى تۋرالى مەسەلەلەردٸ كٶتەردٸ.
كەزدەسۋ اياسىندا تاراپتار 2020 جىلعى 8-11 ماۋسىمدا نۇر-سۇلتان قالاسىندا ٶتەتٸن دسۇ-نىڭ الداعى 12-شٸ مينيسترلٸك كونفەرەنتسيياسىنىڭ كەيبٸر مەسەلەلەرٸ بويىنشا پٸكٸر الماستى, وندا ۋكراينا تاراپى بيزنەسپەن بٸرلەسٸپ دسۇ كٷن تەرتٸبٸندە تۇرعان ٶزەكتٸ مەسەلەلەردٸ قاراۋعا قاتىسۋدى جوسپارلاپ وتىر.
تاراپتار بۇدان باسقا ەكٸجاقتى ٷكٸمەتارالىق كوميسسييا ٶتكٸزۋ مٷمكٸندٸگٸن, سونداي-اق ەكٸجاقتى ساۋدانى ودان ەرٸ دامىتۋ مەسەلەلەرٸن تالقىلادى.
ايتا كەتەرلٸگٸ, قازاقستاندا تەربەرمەلٸ مويىنتٸرەكتەردٸ «ەپك ستەپنوگورسك» اق عانا ٶندٸرەدٸ. كەسٸپورىن بىلتىر ۋكراينا تەمٸر جولدارىنا پودشيپنيكتەر جەتكٸزۋگە تەندەر ۇتىپ الدى. ۋكرايناعا تەربەرمەلٸ مويىنتٸرەكتەردٸڭ ورتاشا جىلدىق يمپورتى 2,1 مىڭ توننا. ال, قازاقستاندا مينەرالدى تىڭايتقىشتاردى ٶندٸرۋشٸ ەكٸ كەسٸپورىن بار: «قازفوسفات» جشس جەنە «قازازوت» اق. ەكٸ كەسٸپورىن دا جىلىنا ورتا ەسەپپەن ۋكراينا نارىعىنا 113 مىڭ توننا مينەرالدىق تىڭايتقىش جەتكٸزەدٸ.
