3 naýryzda Qazaqstan Respýblikasynyń Indýstriia jáne infraqurylymdyq damý Vitse-ministri Berik Sailaýuly Kamaliev pen Polsha Respýblikasynyń infraqurylym jáne qurylys ministri Andjei Adamchik telefon arqyly sóilesti, dep habarlaidy "Ult aqparat" vedomstvonyń baspasóz qyzmetine silteme jasap.
Taraptar Resei Federatsiiasy men Ýkraina Respýblikasy arasyndaǵy qazirgi tótenshe jaǵdaidyń nátijesinde júk tasymaly salasynda týyndaǵan jaǵdaidy talqylady.
Vitse-ministr Ýkrainanyń Belarýspen, Reseimen jáne basqa eldermen shekarasynda turyp qalǵan 56 júk kóligine qatysty alańdaýshylyq bildirdi jáne keibir kólik júrgizýshileri Polsha aýmaǵyna baǵyt ustaitynyn aitty.
Osyǵan bailanysty, Vitse-ministr Polsha ministrinen kólik quraldarynyń odan ári marshrýt boiynsha júrý jáne keiinnen Qazaqstanǵa oralý úshin Polsha aýmaǵy arqyly olarǵa kedergi keltirmei ótýine kómek kórsetýdi surady.
Óz kezeginde infraqurylym jáne qurylys ministri Andjei Adamchik avtokólik quraldaryn kedergisiz ótkizý múmkindigin qarastyrýǵa kelisti jáne tolyǵyraq aqparat jiberýdi surady.
Áńgime qolaily jáne dostyq túrde ótti.
