Qazaqstan halyq partiiasy el úkimetine "memleket halyq zaryn estip, kórýi úshin" estý apparaty men kózildirik syilaidy, - dep habarlaidy Tengrinews.kz.
"Búginde úkimetke kóp nárse isteý kerek. Oǵan aqsha bólinedi. Alaida máseleler men problemalar sheshilmeidi. Adamdar aiǵailaidy, jylaidy, hat jazady - jaýap joq. Keshirińiz, myrzalar (Úkimettegi), jerge túsińizder. Bizdi estitin memleket qaida? Nege múldem elemeisizder... Biz partiiadan sheneýnikterge estý apparatyn syiǵa tartqymyz keledi. Kózildirik - olar kórýi úshin. Kórgen jáne estigen nárselerden júregi toqtap qalmaýy úshin - validol", - dedi QHP ókili, Májilis depýtaty Aibek Paiaev partiianyń kezekten tys sezinde.
Eske salaiyq, buǵan deiin de Aibek Paiaev sheneýnikterdi keri bailanys joq dep synǵa alǵan edi. 2021 jyldyń qańtarynda Qazaqstan halyq partiiasy fraktsiiasynyń depýtattary premer-ministrdiń kandidatýrasyna daýys berýden qalys qalyp, Úkimet pen jergilikti atqarýshy organdar óz jumysyna nemquraidy qarai bastaǵanyn málimdedi.
