Atyraýda Týdy kóligine jaýyp, jol erejesin buzǵan júrgizýshige aiyppul salyndy, dep habarlaidy "Ult aqparat".
Oblystyq politsiia departamenti baspasóz qyzmetiniń habarlaýynsha, politsiia qyzmetkerleri temir jol vokzaly janyndaǵy saýda úiiniń aldynda Qazaqstan Respýblikasynyń Týyn kóliginiń kapotyna jaýyp alǵan júrgizýshini ustaǵan.
«18 mamyr keshki saǵat 20:30 shamasynda «Mitsubishi L300» jáne «Mercedes Benz» kólikteriniń júrgizýshileri vokzal aldynda jol erejesin buzyp, birneshe ret ainalý manevrin jasaǵan. Jol jabyndysyn lastap, signal bermegen. Jol qaýipsizdigin saqtamaǵany úshin QR Ákimshilik quqyqbuzýshylyq týraly Kodeksiniń 595-babynyń 1-bólimimen, 630-baptyń 1-bólimimen hattamalar toltyryldy» -dep habarlady baspasóz qyzmeti.
Sonymen qatar, buǵan qosa «Mercedes Benz» kóliginiń júrgizýshisine QR Ákimshilik quqyqbuzýshylyq týraly Kodeksiniń 458-babynyń 1-bólimimen (QR Memlekettik Týyn paidalaný jáne tártibin buzǵany úshin) 138 900 teńge aiyppul salynǵan.
