2018 jyly Qazaqstan tólqujattar indeksinde eki saty kóterilip, 65-orynǵa jaiǵasty. Budan bylai qazaqstandyqtar 71 memleketke vizasyz bara alady, dep habarlaidy "Ult aqparat" Henley&Partners kompaniiasynyń baspasóz qyzmetine silteme jasap.
2018 jyly Qazaqstan álemdik reitingte Oman jáne Belorýssiia memleketterimen birge 65-orynǵa taban tiredi. Ótken jyly Qazaqstan atalǵan reitingte 67-orynda turǵan edi. Biraq, elimizdiń bul reitingte kóterilgenine qaramastan, vizasyz barýǵa bolatyn memleketter sany sol kúii qaldy.
Qazaqstannyń kórshileri pasporttar indeksi reitinginde kelesidegidei oryndarda tur: Resei – 48-oryn, Ázirbaijan – 72-oryn, Ózbekstan – 85-oryn.
Sońǵy bes jyldan beri atalǵan reitingte birinshi orynda Germaniia tur. 2018 jyly nemis pasportymen 177 memleketke vizasyz saiahattaýǵa bolady. Biyl vizasyz barýǵa bolatyn memleketter tizimi bireýge tolyqty. Ekinshi oryn 176 memleketke vizasyz bara alatyn Singapýrge tiesili. Al úshinshi orynǵa birden segiz memleket jaiǵasty. Olar – Ulybritaniia, Daniia, Italiia, Norvegiia, Finliandiia, Frantsiia, Shvetsiia jáne Japoniia. Atalǵan memlekettiń azamattary 175 memleketke vizasyz bara alady. Sońǵy orynda Aýǵanstan tur. Bul eldiń azamattary tek 24 memleketke vizasyz bara alady.
Pasport indeksin 2006 jyldan beri Henley&Partners kompaniiasy Halyqaralyq áýe transporty assotsiatsiiasymen birge beredi.
