«Qazaqstan turǵyn úi kompaniiasy» AQ basqarma tóraǵasynyń burynǵy orynbasary para alǵany úshin 72 mln teńge aiyppul tóleidi. Bul týraly Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov aitty, dep habarlaidy "Ult aqparat".
«12 sáýirde Nur-Sultan qalasy Esil aýdanynyń №2 aýdandyq soty «Qazaqstan turǵyn úi kompaniiasy» AQ basqarma tóraǵasynyń orynbasary A. Óserbaev 72 mln teńge somasynda paranyń otyz eselergen mólsherindegi aiyppul tóleý jazasyna tartyldy. Ol biylǵy 17 aqpanda «FN Menedjment» JShS direktory Tájibaevtan 2,4 mln teńge somasynda para aldy degen kúdikke ilingen edi», - dedi Daniiar Bekaidarov onlain rejimden ótken brifingide.
Atap aitqanda, múlikti basqarý boiynsha uiymnyń qyzmet kórsetkeni týraly shart aiasynda oryndalǵan jumystar aktisine qol qoiǵany úshin para aldy degen kúdikke ilikti.
«Sonymen qatar, osy úkimmen «FN Menedjment» JShS direktory Tájibaevqa qatysty 48 mln teńge somasyndaǵy aiyppul jazasy berildi», - dedi Bekaidarov.
