«قازاقستان تۇرعىن ٷي كومپانيياسى» اق باسقارما تٶراعاسىنىڭ بۇرىنعى ورىنباسارى پارا العانى ٷشٸن 72 ملن تەڭگە ايىپپۇل تٶلەيدٸ. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ ايتتى, دەپ حابارلايدى "ۇلت اقپارات".
«12 سەۋٸردە نۇر-سۇلتان قالاسى ەسٸل اۋدانىنىڭ №2 اۋداندىق سوتى «قازاقستان تۇرعىن ٷي كومپانيياسى» اق باسقارما تٶراعاسىنىڭ ورىنباسارى ا. ٶسەرباەۆ 72 ملن تەڭگە سوماسىندا پارانىڭ وتىز ەسەلەرگەن مٶلشەرٸندەگٸ ايىپپۇل تٶلەۋ جازاسىنا تارتىلدى. ول بيىلعى 17 اقپاندا «فن مەنەدجمەنت» جشس ديرەكتورى تەجٸباەۆتان 2,4 ملن تەڭگە سوماسىندا پارا الدى دەگەن كٷدٸككە ٸلٸنگەن ەدٸ», - دەدٸ دانييار بەكايداروۆ ونلاين رەجيمدەن ٶتكەن بريفينگٸدە.
اتاپ ايتقاندا, مٷلٸكتٸ باسقارۋ بويىنشا ۇيىمنىڭ قىزمەت كٶرسەتكەنٸ تۋرالى شارت اياسىندا ورىندالعان جۇمىستار اكتٸسٸنە قول قويعانى ٷشٸن پارا الدى دەگەن كٷدٸككە ٸلٸكتٸ.
«سونىمەن قاتار, وسى ٷكٸممەن «فن مەنەدجمەنت» جشس ديرەكتورى تەجٸباەۆقا قاتىستى 48 ملن تەڭگە سوماسىنداعى ايىپپۇل جازاسى بەرٸلدٸ», - دەدٸ بەكايداروۆ.
