Qazaqstan turaqty halyqaralyq áýe reisterin qalpyna keltiretin elderdiń tizimin uzartýda. Bul týraly QR Densaýlyq saqtaý ministrliginiń kóliktegi bas sanitarlyq dárigeri Sádýaqas Baiǵabylov málim etti, dep habarlaidy QazAqparat.
«Qazaqstan turaqty halyqaralyq áýe reisterin qalpyna keltiretin birinshi jáne ekinshi sanattaǵy memleketter tizimi uzartyldy», - dedi Sádýaqas Baiǵabylov OKQ-da ótken baspasóz máslihatynda.
Onyń aitýynsha, birinshi sanattaǵy elderge Majarstan, Úndistan, Germaniia, Chehiia, Malaiziia engizilgen.
«Birinshi sanattaǵy elderden keletin jolaýshylarǵa shekteýler joq. Budan buryn birinshi sanattaǵy memleketterge QHR, Ońústik Koreia, Japoniia, Grýziia men Tailand engen bolatyn. Al ekinshi sanattaǵy elderdiń tobyna Mysyr, Ýkraina, Polsha, Ózbekstan, Qyrǵyzstan, Tájikstan kirgizildi. Ekinshi sanattaǵy elderden keletin jolaýshylarǵa mynydai shekteýler bar: KVI boiynsha anyqtama bolǵan jaǵdaida – shekteý joq. Al eger anyqtama bolmasa olarǵa karantin qyzmetiniń mamandary 48 saǵattyń ishinde PTsR-testten ótýi kerektigi nemese 14 kúndik úi karantini týraly eskertý beredi», - dedi Sádýaqas Baiǵabylov.
Anyqtama 5 táýlikke jaraidy.
