Qazaqstan tennisshileriniń tarihi jeńiske jetkenine qýanyshtymyn. Germaniianyń birinshi raketkasyn utqan Elena Rybakina osylai dedi. Bul týraly QazAqparat agenttigi habarlady.
Onyń sózine qaraǵanda, álemniń burynǵy birinshi raketkasy Anjelika Kerbermen oiyn ońaiǵa túsken joq.
«Men árqaisysymyzdyń sońǵy upaiǵa deiin kúresetinimizdi túsindim. Jaýapkershilik júgi de jeńil emes-ti. Degenmen óz deńgeiimdi oilasam, budan da jaqsy oinaýǵa bolar edi. Anjelika da sony aitar, bálkim. Óitkeni topyraq tósenishindegi korttarǵa endi-endi kóship jatyrmyz. Sondyqtan birden tóselip ketý ońai emes. Keshegimen salystyrǵanda, dopty onsha jaqsy bere almadym. Biraq aqyrynda jeńiske jetip, Qazaqstan quramasyna sheshýshi upaidy syilaǵanyma qýanyshtymyn. Bizdi qoldaǵan jankúierlerdiń bárine, sondai-aq bolboilarǵa, uiymdastyrýshylarǵa, Bolat Jámishuly bastaǵan Qazaqstan tennis federatsiiasyna zor rizashylyǵymdy bildirgim keledi», - dedi Elena Rybakina.
