قازاقستان تەننيسشٸلەرٸنٸڭ تاريحي جەڭٸسكە جەتكەنٸنە قۋانىشتىمىن. گەرمانييانىڭ بٸرٸنشٸ راكەتكاسىن ۇتقان ەلەنا رىباكينا وسىلاي دەدٸ. بۇل تۋرالى قازاقپارات اگەنتتٸگٸ حابارلادى.
ونىڭ سٶزٸنە قاراعاندا, ەلەمنٸڭ بۇرىنعى بٸرٸنشٸ راكەتكاسى انجەليكا كەربەرمەن ويىن وڭايعا تٷسكەن جوق.
«مەن ەرقايسىسىمىزدىڭ سوڭعى ۇپايعا دەيٸن كٷرەسەتٸنٸمٸزدٸ تٷسٸندٸم. جاۋاپكەرشٸلٸك جٷگٸ دە جەڭٸل ەمەس-تٸ. دەگەنمەن ٶز دەڭگەيٸمدٸ ويلاسام, بۇدان دا جاقسى ويناۋعا بولار ەدٸ. انجەليكا دا سونى ايتار, بەلكٸم. ٶيتكەنٸ توپىراق تٶسەنٸشٸندەگٸ كورتتارعا ەندٸ-ەندٸ كٶشٸپ جاتىرمىز. سوندىقتان بٸردەن تٶسەلٸپ كەتۋ وڭاي ەمەس. كەشەگٸمەن سالىستىرعاندا, دوپتى ونشا جاقسى بەرە المادىم. بٸراق اقىرىندا جەڭٸسكە جەتٸپ, قازاقستان قۇراماسىنا شەشۋشٸ ۇپايدى سىيلاعانىما قۋانىشتىمىن. بٸزدٸ قولداعان جانكٷيەرلەردٸڭ بەرٸنە, سونداي-اق بولبويلارعا, ۇيىمداستىرۋشىلارعا, بولات جەمٸشۇلى باستاعان قازاقستان تەننيس فەدەراتسيياسىنا زور ريزاشىلىعىمدى بٸلدٸرگٸم كەلەدٸ», - دەدٸ ەلەنا رىباكينا.
