"Qazaqstan temir joly" enshiles kompaniiasy — "Jolaýshylar tasymaly" AQ Almaty-Astana baǵdarly poiyzdaǵy áiel adamnyń qazasyna qatysty pikir bildirdi.
"Almaty-Astana baǵdarly poiyzynda áiel adamnyń kóz jumýy №5 jolaýshylar vagonyndaǵy jaǵdaimen bailanysty emes. Áiel adammen birge kele jatqan jubaiy jolserikterdiń áreketine eshqandai shaǵym túsirmeitini týraly jazbasha túsinikteme berip, áieliniń qazasyna on jyldan astam ýaqyt boiy kúresken aýyr sozylmaly naýqas sebep bolǵanyn rastady", — delingen kompaniia habarlamasynda.
Mekeme túsindirip ótkendei, Shý stantsiiasyna jetýge 15 minýt qalǵanda jolserikterge áieldiń naýqasy asqynyp, ózin nashar sezine bastaǵanyn habarlaǵan. Poiyz basshysy meditsinalyq brigadany shaqyryp, dárigerler stantsiiaǵa jetkenshe alǵashqy járdem kórsetken.
"Ári qarai Shý-Otar aralyǵynda jolaýshynyń jaǵdaiy kúrt tómendep, poiyz bastaǵy taǵy da jaqyn mańdaǵy stantsiiaǵa "jedel járdem" shaqyrǵan, biraq ókinishke orai Otar stantsiiasynda feldsher áiel adamnyń kóz jumǵanyn málimdedi", — delingen habarlamada.
Kompaniia qaitys bolǵan áieldiń týǵan-týystaryna kóńil aitty.
