Qazaqstan Tájikstanǵa 100 mobildi ókpeni jasandy jeldetý apparatyn jiberdi. Bul týraly QR Indýstriia jáne infraqurylymdyq damý ministrligi habarlady.
Qazaqstan «Kókshetaý-4P» atalatyn ókpeni jasandy jeldetý mobildi apparattarynyń 100 jiyntyǵyn avtokólikpen jóneltken.
QR Indýstriia jáne infraqurylymdyq damý ministrligi atalmysh qurylǵylardy QR Prezidenti Qasym-Jomart Toqaevtyń tapsyrmasyn jáne QR Úkimetiniń 2020 jylǵy 10 jeltoqsandaǵy № 837 «Tájikstan Respýblikasyna resmi gýmanitarlyq kómek kórsetý týraly» qaýlysyn oryndaý sheńberinde jibergen.
Esterińizge salaiyq, «Kókshetaý-4P» apparattary Kókshetaýdaǵy «Tynys» zaýytynda qurastyrylady.
«Kásiporyn aiyna shamamen 500 qurylǵy shyǵarady. Al bir apparattyń baǵasy 750 myń teńgeni quraidy. Bul qurylǵylar mobildi túrde jumys isteidi. Mysaly, olardy jedel járdemge ornatýǵa nemese úide paidalanýǵa bolady», - dedi ministrlikten.
