Foto: Pexels.com
Taiaý Shyǵystaǵy shielenisken jaǵdai men azamattyq aviatsiia qaýipsizdigine tóngen qaterge bailanysty Qazaqstannyń aviatsiialyq ákimshiligi Iran, Izrail, Siriia, Irak, Iordaniia jáne Livannyń áýe keńistiginde, sondai-aq olarǵa jaqyn aimaqtarda ushýlardy toqtatý týraly sheshim qabyldady, dep habarlaidy Ult.kz.
Bul tyiym qazaqstandyq áýe kemelerine, onyń ishinde barlyq turaqty jáne turaqsyz jolaýshylar, júk jáne tehnikalyq reisterge qatysty.
"Nusqaýlyq dereý kúshine enedi jáne mindetti túrde oryndalýy tiis. Qaýipti aimaqtaǵy jaǵdaidyń ózgerýine bailanysty, aviatsiialyq qaýipsizdik departamenti qosymsha aqparat beretin bolady.
Qazaqstannyń aviatsiialyq ákimshiligi jolaýshylar men ekipajdardyń qaýipsizdigin qamtamasyz etý úshin barlyq qajetti sharalardy qolǵa alýda", - delingen habarlamada.
