Elimiz úshin mańyzdy mereitoi qarsańynda Nur-Sultandaǵy «Brands of Kazkahstan» baspasy «Qazaqstan. Táýelsizdikke 30 jyl» kitabyn jaryqqa shyǵardy, dep habarlaidy QazAqparat.
Kitaptyń avtory ári qurastyrýshysy – Raýshan Muhametalina. Qazaqstan Premer-ministri Asqar Maminniń alǵy sózinen bastalatyn eńbektiń ishinde QR Indýstriia jáne infraqurylymdyq damý ministri Beibit Atamqulovtyń eldegi indýstriianyń damýy týraly taldamalyq maqalasy basylǵan.
«Táýelsizdik shejiresi» aidarynda Qazaqstan Respýblikasynyń Tuńǵysh Prezidenti – Elbasy Nursultan Nazarbaev pen Qazaqstan Respýblikasynyń Prezidenti Qasym-Jomart Kemeluly Toqaevtyń táýelsiz Qazaqstannyń damýyndaǵy tarihi rólin sipattaityn fotosýretter usynylǵan. Sondai-aq, kitapta 17 óńirdiń ákimderi jazǵan Táýelsizdiktiń 30 jylyndaǵy jergilikti jetistikter týraly maqalalar, túrli salaladaǵy jetekshi kásiporyndar men brendter týraly málimet toptastyrylǵan. Mereitoiǵa arnalǵan basylymnyń bas demeýshisi – «Saýts-Oil»JShS munai-gaz kompaniiasy.
Sonymen birge «QazMunaiGaz» UK» AQ, «Óskemen titan-magnii kombinaty» AQ, «Qarashyǵanaq Petroliým Opereiting B.V», «SNPS-«Aqtóbemunaigaz» AQ, «ArselorMittal Temirtaý» AQ, «Kazakhmys Holding (Qazaqmys Holding)» JShS siiaqty óndiris alpaýyttary da demeýshilik kórsetken. Eńbek Qazaqstan, EAEO, TMD jáne alys shetel oqyrmandaryna arnap orys jáne aǵylshyn tilderinde jazylǵan premiým-klasty syilyq retinde basylyp otyr.
«Bizdiń Otanymyz – Qazaqstan Respýblikasy 2021 jyldyń 16 jeltoqsanynda Táýelsizdiktiń 30 jyldyǵyn atap ótedi. Ótken jyldar ishinde Qazaqstan Respýblikasynyń Tuńǵysh Prezidenti – Elbasy Nursultan Ábishuly Nazarbaevtyń basshylyǵymen elimiz áleýmettik-ekonomikalyq damýda, memlekettilik pen halyqaralyq bedeldi nyǵaitýda úlken tabystarǵa qol jetkizdi. Qazaqstan prezidenti Qasym-Jomart Kemeluly Toqaev Elbasynyń demokratiialyq, ekonomikalyq jáne saiasi damý baǵytyn jalǵastyrýda. Kitap Qazaqstan Respýblikasy Táýelsizdiginiń 30 jyldyǵyna orai shyǵaryldy. Bizdiń basty mindetimiz – osy kitap arqyly Qazaqstandy elimizdiń, EAEO, TMD elderiniń jáne alys shetel oqyrmandaryna ekonomikasy damyǵan, ekonomika men biznestiń barlyq salalarynda ósý áleýeti joǵary memleket retinde tanystyrý», – dedi kitaptyń avtory jáne qurastyrýshysy Raýshan Muhametalina.
