Qytaidyń halyqaralyq almasý jastar ortalyǵynda Qazaqstan Respýblikasy táýelsizdiginiń 30 jyldyǵyna arnalǵan fotokórmeniń saltanatty ashylýy ótti. Bul týraly QazAqparat Syrtqy ister ministrligine silteme jasap habarlaidy.
Is-sharanyń qonaqtary Qytaidyń ortalyq memlekettik organdary, akademiialyq toptary, ǵylymi-zertteý qurylymdary men BAQ ókilderi boldy.
Qazaqstannyń Qytaidaǵy ýaqytsha senimdi ókili Murat Muqyshev óz sózinde kórmede usynylǵan fotosýretter elimizdiń táýelsizdik jyldaryndaǵy tarihyn, QR Tuńǵysh Prezidenti - Elbasy N.Nazarbaevtyń memlekettiń qalyptasýyndaǵy tarihi rólin, Prezident Q.Toqaevtyń aǵymdaǵy reformalaryn, Qazaqstannyń halyqaralyq problemalardy, onyń ishinde ornyqty damý, ultaralyq jáne konfessiiaaralyq kelisim, qaýipsizdikti nyǵaitý salalaryndaǵy úlesin kórsetetinin atap ótti.
Qytai halyqaralyq almasý jastar ortalyǵy tóraǵasynyń orynbasary Chjan Hýa fotokórme Qytai aýditoriiasynyń erekshe qyzyǵýshylyǵyn týdyratynyn basa aitty, óitkeni usynylǵan fotosýretter Qytaidyń dostas kórshisi - táýelsiz Qazaqstannyń qalyptasý tarihyn barynsha kórsetetinin erekshe atap ótti.
Fotosýretter jandy shynaiy emotsiialardy týdyrady, serpindi ózgeristerdi bastan keshirip jatqan elimizdiń ómirindegi mańyzdy tarihi sátterdiń kóńil-kúii men atmosferasyn ashady.
Fotokórme 20 jeltoqsanǵa deiin jalǵasady.
