QR Prezidenti Nursultan Nazarbaev Astanadaǵy «Ulytaý» alleiasy men «Qazaq eline myń alǵys» monýmentine bardy, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy Esildiń sol jaǵalaýyndaǵy jańa alleiany aralap kórgennen keiin, «Qazaq eline myń alǵys» monýmenti aldyna jinalǵan Qaraǵandy oblysynyń etnomádeni birlestikteriniń ókilderimen áńgimelesti.
Nursultan Nazarbaev Qazaqstan tarihyndaǵy qily kezeńderdiń halyq jadynda saqtalýynyń mańyzdylyǵyn atap ótti.
«Búgin elordada kórip otyrǵan jetistikterimizdiń bárine 20 jyldyń ishinde qol jetkizdik. Astanany salýǵa búkil Qazaqstan atsalysty, basqasha bolýy da múmkin emes edi. Sondyqtan biz bul mereitoidy barlyq oblystardyń qatysýymen, keńinen toilap jatyrmyz. Elimizdegi azamattardyń bári ózderin jaily sezinip, jaqsy ómir súrgenin qalaimyn», - dedi Qazaqstan Prezidenti.
Memleket basshysy elimizdi odan ári ilgeriletý isinde halqymyzdyń birligi airyqsha mańyzdy ekenin aitty.
«Biz birligimizdi saqtap, bir-birimizge qurmet kórsetýimiz kerek. Men barsha jurttyń Qazaqstanda ómir súrip, eńbek etip, ósip-órkendegenin qalaimyn. Eń bastysy - tatý qarym-qatynasty saqtai bilý», - dedi Nursultan Nazarbaev.
.jpeg)