Bilim jáne ǵylym ministri Ashat Aimaǵambetov "Qazaqstan tarihy" páni boiynsha biryńǵai bazalyq oqýlyq engizýdi usyndy. Ministrdiń aitýynsha, bul qoldanystaǵy oqýlyqtarda kezdesetin sáikessizdikterdi boldyrmaýǵa kómektesedi, - dep habarlaidy «Ult aqparat».
Ministr UBT tapsyrý kezinde túlekter Qazaqstan tarihy boiynsha emtihanǵa daiyndalǵan oqýlyqtardaǵy derekterdiń test tapsyrmalarynan erekshelenetindigimen jii kezdesetinin aitty.
"Qazaqstan tarihy boiynsha kóptegen usynystar bar. UBT-ny tapsyrý qorytyndysy boiynsha úsh baspanyń úsh oqýlyǵyn kórip otyrmyz. Bul jaǵdaida interpretatsiialar ártúrli, kúnder ártúrli jáne t.b. bolatyn jaǵdailar bolady. Árine, buǵan jol berýge bolmaidy. Sondyqtan qazir Qazaqstan tarihy boiynsha biryńǵai bazalyq oqýlyqty engizý qajettiligi týraly usynystar paida boldy dep oilaimyn", - dedi Aimaǵambetov.
Ministrdiń aitýynsha, qazaq ádebieti oqýlyqtarynyń mazmuny týraly suraqtar jii kóteriledi.
"Qazirgi ýaqytta jumys toby quryldy, qazaq ádebietin ózektendirý boiynsha úlken jumys júrgizilip jatyr", - dedi ministr.
Aimaǵambetov sondai-aq mektep kitaphanalaryndaǵy kórkem ádebiettiń tapshylyǵy taqyrybyn qozǵady.
"Balalarǵa fýnktsionaldy saýatty bolý úshin kóptegen kórkem ádebietti oqý óte mańyzdy. Sonymen qatar bizdiń mektep kitaphanalary álemdik ádebietke tapsyrys berip, qajetti mólsherde ie bolýy úshin oqý yńǵaily bolýy kerek", - dedi Aimaǵambetov.
2020 jyly vedomstvo bilim basqarmalaryna osyndai kitaptardyń qajetti sanyn satyp alý jóninde tapsyrma berdi, oǵan qosymsha qarajat bólindi.
"Budan ári mektep kitaphanalaryn jańǵyrtý jáne kórkem ádebietti satyp alýdy boiynsha jumystar júrgiziledi. Bul baǵytty ministrlik erekshe baqylaýǵa aldy", - dedi Aimaǵambetov.
Ministrdiń aitýynsha, endi eldegi balabaqshalarda aǵylshyn tili mindetti pán retinde oqytylmaidy. Bala jastaiynan óz ana tilinde tárbie alady. Ministrlik prezident Qasym-Jomart Toqaevtyń Mektepterdiń bastaýysh synyptarynda qazaq tiline basymdyq berilgeni durys» degen usynysyn basshylyqqa alǵanyn aitty.
Sondai-aq, qazaq tiliniń baǵdarlamasy da ózgertiledi. Ministrdiń aitýynsha, endi grammatikany oqytýǵa bólinetin saǵat sany da artady. Aimaǵambetov oqýshylardyń saýatty jaýy men sóileýi úshin Ahmet Baitursynulynyń eńbegi qoldanylatynyn habarlady.
Aita keteiik, kelesi oqý jyly «Álippe» birinshi synyptarǵa Ana tilimen birge qaita engiziledi. Ol da Baitursynuly usynǵan metodika boiynsha daiyndalady.
«Álippeniń» jobalyq nusqasy qoǵamda talqylanady. Sonymen qatar mektepte qazaq ádebietiniń oqytylýy qaita qarastyrylady. Ministrdiń habarlaýynsha, ádebietshi ǵalym mamandar, mekteptiń tájiribeli ustazdary kiretin arnaiy komissiia qurylady. Ol komissiia qazaq ádebietiniń oqytylýy, ádisnamasy men baǵdarlamasyn ázirleidi.
Endi mektep oqýlyǵyndaǵy ádebi shyǵarmalar oqýshynyń jas ereksheligine qarai kitapqa engiziledi. Onyń ishine shyǵarmanyń janry, kezeńi, siýjettik jelisi de eskeriledi. Aita keteiik, oqýlyqtarda qazaq klassikteriniń eńbekterine erekshe mán beriledi.
Aita keteiik, prezidenttiń tapsyramasyna sáikes, kelesi jyldan bastap til komiteti bilim jáne ǵylym ministrliginiń quramyna kiredi. Endi Aimaǵambetov bastaǵan ministrlik eldegi tárbie men bilimdi, ǵylymdy damytýdy qatar alyp júretin bolady.
Memlekettik til saiasaty balabaqshadan bastap ýniversitetke deiin durys jolǵa qoiylý kerek, dedi ministr Aimaǵambetov.
Aita keteiik, Qazaqstanda oqýlyqtar avtorlaryn jáne sarapshylardy daiarlaidy, sondai-aq jańa materialdar men oqý baǵdarlamalaryn keminde bir jyl synaityn bolady.
