Erekshe qajettiligi bar balalarǵa memlekettik bilim berý tapsyrysyn ornalastyrý tetigin qolǵa alynady. Bul týraly Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Memleket basshysynyń tapsyrmalaryn oryndaý boiynsha jumys júieli túrde júrgizilip jatyr. Balabaqshalardy damytý boiynsha keshendi jospar ázirlendi. Onda vaýcherlik júieni engizý, balabaqshalarmen qamtý, jańa memlekettik standart qabyldaý jáne balabaqshalarda qolaily jaǵdai jasaý sharalary qarastyrylady. Memleket basshysy tapsyrǵan sýmen jabdyqtaý, ystyq sýmen qamtamasyz etý,káriz máseleleri boiynsha jaǵdai slaidta kórsetilgen. Ásirese, Túrkistan, Qostanai, Shyǵys, Soltústik, Batys Qazaqstan, Aqmola jáne Aqmola oblystarynda bul problema ózekti. Másele bekitilgen merzimde sheshilýi kerek», - dedi ministr.
Onyń aitýynsha, inkliýzivti bilimdi damytýǵa sáikes, erekshe balalarǵa arnalǵan uiymdardyń ashylý normativi 50 myń balaǵa bir psihologiialyq-meditsinalyq, pedagogikalyq keńes esebinen ózgertý josparlanady.
«Sondyqtan qosymsha 46 PMK jáne 25 túzetý kabinetterin qurý qajet. Bul erekshe balalar úshin aýadai qajet shara. Búginde PMK-ǵa eń úlken qajettilik Túrkistan, Almaty, Qaraǵandy, Atyraý oblystarynda jáne Nur-Sultan qalalarynda. Erekshe qajettiligi bar balalarǵa memlekettik bilim berý tapsyrysyn ornalastyrý tetigin qolǵa alamyz. Orta bilimde oqý júktemesin azaitý máselesi qaralady. Úlgilik oqý baǵdarlamalary jańartylady», - dedi Ashat Aimaǵambetov.
Sonymen qatar ol Prezident tapsyrmasyna sáikes, matematika, tilder jáne informatika pánderine erekshe nazar aýdarylatyndyǵyn aitty.
«Jáne de Qazaqstan tarihy men dúniejúzi tarihy boiynsha biryńǵai oqýlyqtardy ázirleý jáne engizý úshin tiisti jumystardy bastadyq», - dedi ol.
