QR Ortalyq sailaý komissiiasy jeke sýbekt retinde 2017 jyldyń 15 qazanynda belgilengen Qyrǵyz Respýblikasyndaǵy prezidenttik sailaýǵa qatyspaityn boldy. Mundai sheshimdi QR OSK Berik Imashevtiń tóraǵalyǵymen ótken otyrysynda qabyldady, dep habarlaidy "Ult aqparat".
Otyrys barysynda Qyrǵyzstan Ortalyq sailaý komissiiasynyń shaqyrýymen sailaýǵa baqylaý júrgizýge QR OSK múshesi Marat Sársembaevtyń qatysýy týraly suraq talqylandy.
Qyrǵyz Respýblikasynyń Prezidenti Almazbek Atambaevtyń Qazaqstannyń Qyrǵyzstandaǵy sailaýǵa aralasqany týraly shyndyqqa sai kelmeitin málimdemesine sáikes, Marat Sársembaev Qyrǵyz Respýblikasyndaǵy sailaýǵa baqylaý jumysynan bas tartatynyn málimdedi.
Onyń usynysy qoldaý tapty.
Qazaqstandyq baqylaýshylar TMD, DIAQB/EQYU, ShYU, TMYU missiialary, sondai-aq TMD, EQYU, túrkitildes memleketterdiń parlamenttik assambleialarynyń quramynda Qyrǵyz Respýblikasyndaǵy prezidenttik sailaýǵa baqylaý júrgizetin bolady.
