Foto: pexels.com
Qazaqstan Respýblikasynyń úkimeti men Marokko Koroldiginiń úkimeti arasyndaǵy ulttyq/jalpyazamattyq pasporttardyń ielerin vizalyq talaptardan bosatý týraly kelisimge qol qoiyldy. Bul týraly Ult.kz QR SIM baspasóz qyzmetine silteme jasap habarlaidy.
Atalǵan kelisim eki el azamattarynyń saparlaryn jeńildetýge baǵyttalǵan jáne ekijaqty qatynastardy odan ári nyǵaitýǵa yqpal etedi.
Kelisimge sáikes, Qazaqstan jáne Marokko azamattary jaramdy ulttyq/jalpyazamattyq pasporttardyń negizinde eki eldiń aýmaǵyna kirý, shyǵý, tranzitpen ótý jáne ýaqytsha bolý úshin vizalyq talaptardan bosatylady.
Árbir bolý merzimi kirý sátinen bastap 180 kúnniń ishinde 30 kúntizbelik kúnnen aspaýǵa tiis.
