Qazaqstan Respýblikasy Prezidenti Ákimshiliginiń kelisimi boiynsha Alýa Serikqyzy Joldybalina QR Prezidentiniń janyndaǵy Qazaqstan strategiialyq zertteýler institýty direktorynyń orynbasary qyzmetine taǵaiyndaldy, dep habarlaidy "Ult aqparat".
A.S. Joldybalina 1978 jyly dúniege kelgen.
2002 jyly E.A. Bóketov atyndaǵy Qaraǵandy memlekettik ýniversitetin «Saiasattaný» mamandyǵy boiynsha bitirgen. 2004 jyly L.N.Gýmilev atyndaǵy Eýraziia ulttyq ýniversitetiniń magistratýrasyn, al 2010 jyly doktorantýrasyn aiaqtaǵan. «Saiasattaǵy analitikalyq ortalyqtar: álemdik tájiribe jáne Qazaqstan» taqyrybynda dissertatsiia daiyndap, qorǵady. Saiasattaný ǵylymdarynyń PhD doktory. 2013 jyly University of East Anglia ýniversitetinde (Ulybritaniia) «Saiasi tehnologiialar» mamandyǵy boiynsha taǵylymdamadan ótti.
Eńbek jolyn 2003 jyly S.S. Seifýllin atyndaǵy Qazaq agrarlyq ýniversitetiniń filosofiia kafedrasynyń oqytýshysy bolyp bastaǵan. L.N.Gýmilev atyndaǵy EUÝ Saiasattaný kafedrasynyń oqytýshysy jáne dotsenti bolyp jumys istedi. 2008 jyldan 2009 jylǵa deiin ol Qazaqstan Respýblikasy Qorǵanys ministrligi Áskeri-strategiialyq zertteýler ortalyǵynyń Strategiialyq zertteýler departamentiniń direktory qyzmetin atqardy. 2014 jyly konkýrs boiynsha ol Qazaqstan Respýblikasy Prezidenti janyndaǵy QSZI-ǵa ǵylymi qyzmetker bolyp qabyldandy jáne birtindep aǵa jáne bas ǵylymi qyzmetker laýazymdaryna taǵaiyndaldy. 2016 jyldyń mamyr aiynan bastap QSZI negizgi qurylymdarynyń biri – Áleýmettik-saiasi zertteýler bóliminiń (ÁSZB) ǵylymi-taldamalyq jáne uiymdastyrýshylyq qymetine basshylyq jasap keledi.
Alýa Joldybalina – elimizge tanymal sarapshy-saiasattanýshy, buqaralyq aqparat quraldarynda qazaq jáne orys tilderinde belsendi suqbat berip, ǵylymi-zertteý jáne pedagogikalyq qyzmetpen jemisti ainalysady, otyzdan astam jariialanymdardyń, monografiialardyń, sondai-aq ǵylymi jobalardyń, ujymdyq kitaptar men oqý quraldarynyń avtory.
Kadrlyq ózgeristerge bailanysty Áleýmettik-ekonomikalyq zertteýler bóliminiń bastyǵy Kárimova Janna Kárimqyzy Áleýmettanýlyq zertteýler bóliminiń bastyǵy bolyp taǵaiyndaldy.
J.K.Kárimova – «Áleýmettaný» mamandyǵy boiynsha Ph.D, ál-Farabi atyndaǵy Qazaq ulttyq ýniversitetiniń filosofiia jáne saiasattaný fakýltetin, Liýmer Lion-2 ýniversitetiniń (Frantsiia) magistratýrasy jáne doktorantýrasyn bitirgen, ujymdyq monografiialardyń, ádistemelik oqýlyqtardyń, 40-tan astam ǵylymi jariialanymdardyń avtory, memlekettik jastar saiasaty, halyqtyń ómir súrý sapasy men deńgeiin baǵamdaý salasy boiynsha 30-dan astam sotsiologiialyq zertteýlerdi uiymdastyrýǵa jáne ótkizýge atsalysqan.
