Qazaqstan Siriiaǵa gýmanitarlyq kómek berý merzimin uzartýdy qoldaidy, dep habarlaidy "Ult aqparat" SIM baspasóz qyzmetine silteme jasap.
Baspasóz qyzmetiniń taratqan habarǵa qaraǵanda, BUU Qaýipsizdik keńesi daýystardyń kópshiligimen Siriiaǵa gýmanitarlyq kómek berý týraly 2165 Qaýipsizdik keńesi rezoliýtsiiasynyń merzimin 1 jylǵa uzartty.
Atalǵan rezoliýtsiia Siriianyń soltústigi men shyǵysyndaǵy 3,5 million halqyn gýmanitarlyq kómekpen qamtyp otyrǵandyǵyn eskere otyryp, Qazaqstan atalǵan qujatty daýys berý arqyly qoldady.
Qazaqstan Siriiadaǵy gýmanitarlyq jaǵdaidyń jaqsarýyna baǵyshtalǵan halyqaralyq qaýymdastyqtyń barlyq is-sharasyn qoldaidy delingen Qazaqstan delegatsiiasynyń málimdemesinde.
«Siriiaǵa gýmanitarlyq kómek kórsetýde qolda bar múmkindikter men ádisterdiń, sonyń ishinde 2165 Rezoliýtsiiany da saqtap qalý mańyzdylyǵy basa aityldy.
Degenmen, Qazaqstan delegatsiiasy BUU-nyń Gýmanitarlyq Basqarmasynan monitoring pen ashyqtyq mehanizmderin jaqsartýda barlyq kúsh-jigerin salýdy ótindi.
Siriia problemasy gýmanitarlyq kómek berý arqyly ǵana sheshilý múmkin emes ekendigin aita otyryp, óte aýyr sharttarda bitimgershilik quryp jatqan Jeneva platformasy men Astana protsesin BUU Qaýipsizdik Keńesi músheleri qoldaýyn Qazaqstan delegatsiiasy olardan ótindi. Qazaqstan tarapy oq atýdy doǵarý rejimin saqtaýdyń mańyzdylyǵyn atap ótti», - delingen baspasóz habarlamasynda.
