قازاقستان سيريياعا گۋمانيتارلىق كٶمەك بەرۋ مەرزٸمٸن ۇزارتۋدى قولدايدى, دەپ حابارلايدى "ۇلت اقپارات" سٸم باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ تاراتقان حابارعا قاراعاندا, بۇۇ قاۋٸپسٸزدٸك كەڭەسٸ داۋىستاردىڭ كٶپشٸلٸگٸمەن سيريياعا گۋمانيتارلىق كٶمەك بەرۋ تۋرالى 2165 قاۋٸپسٸزدٸك كەڭەسٸ رەزوليۋتسيياسىنىڭ مەرزٸمٸن 1 جىلعا ۇزارتتى.
اتالعان رەزوليۋتسييا سيرييانىڭ سولتٷستٸگٸ مەن شىعىسىنداعى 3,5 ميلليون حالقىن گۋمانيتارلىق كٶمەكپەن قامتىپ وتىرعاندىعىن ەسكەرە وتىرىپ, قازاقستان اتالعان قۇجاتتى داۋىس بەرۋ ارقىلى قولدادى.
قازاقستان سيريياداعى گۋمانيتارلىق جاعدايدىڭ جاقسارۋىنا باعىشتالعان حالىقارالىق قاۋىمداستىقتىڭ بارلىق ٸس-شاراسىن قولدايدى دەلٸنگەن قازاقستان دەلەگاتسيياسىنىڭ مەلٸمدەمەسٸندە.
«سيريياعا گۋمانيتارلىق كٶمەك كٶرسەتۋدە قولدا بار مٷمكٸندٸكتەر مەن ەدٸستەردٸڭ, سونىڭ ٸشٸندە 2165 رەزوليۋتسييانى دا ساقتاپ قالۋ ماڭىزدىلىعى باسا ايتىلدى.
دەگەنمەن, قازاقستان دەلەگاتسيياسى بۇۇ-نىڭ گۋمانيتارلىق باسقارماسىنان مونيتورينگ پەن اشىقتىق مەحانيزمدەرٸن جاقسارتۋدا بارلىق كٷش-جٸگەرٸن سالۋدى ٶتٸندٸ.
سيرييا پروبلەماسى گۋمانيتارلىق كٶمەك بەرۋ ارقىلى عانا شەشٸلۋ مٷمكٸن ەمەس ەكەندٸگٸن ايتا وتىرىپ, ٶتە اۋىر شارتتاردا بٸتٸمگەرشٸلٸك قۇرىپ جاتقان جەنەۆا پلاتفورماسى مەن استانا پروتسەسٸن بۇۇ قاۋٸپسٸزدٸك كەڭەسٸ مٷشەلەرٸ قولداۋىن قازاقستان دەلەگاتسيياسى ولاردان ٶتٸندٸ. قازاقستان تاراپى وق اتۋدى دوعارۋ رەجيمٸن ساقتاۋدىڭ ماڭىزدىلىعىن اتاپ ٶتتٸ», - دەلٸنگەن باسپاسٶز حابارلاماسىندا.
