Belgili saiasattanýshy Dosym Sátbaev Siriiaǵa qazaqstandyq áskerler barǵan jaǵdaida ne bolýy múmkin ekenin aityp berdi. Bul týraly ol Facebook jelisindegi paraqshasynda jazdy.
"(...) Kúnderdiń bir kúninde áskerilerimizdi Siriiaǵa jiberý týraly oi kelse, Qazaqstan basshylyǵyna Aqorda osy ýaqytqa deiin negizin qalaǵan moderator men deldaldyń imidjimen qosh aitysýǵa týra keledi. Siriiadaǵy qaqtyǵysta olar bizdi Reseidiń áskeri odaqtasy retinde qabyldap qana emes, sondai-aq, bizdi musylman álemine, batys elderine qarsy qoiady. Bir sózben aitqanda munda kemshilikter kóp", - dep jazdy Sátbaev.
Al ekinshi saiasattanýshy ári sarapshy Erlan Qarin bul máselege bylai dep pikir bildirdi. "Myna sońǵy habarǵa bailanysty aitarym, mynadai jaǵdaida tek qana qazaqstandyq resmi aqparat kózderine júgingen durys. Kezinde Eýraziialyq parlament taqyryby tóńireginde de solai bolǵan. Usynyldy, talqylandy dedi, al shyn mánisinde biz taraptan ondai taqyryp múldem qarastyrylmady. Sondyqtan, ártúrli resmi emes akparatka sene berýdiń keregi joq".
Al Halyqaralyq ister, qorǵanys jáne qaýipsizdik komitetiniń tóraǵasy Máýlen Áshimbaev "Saiasat" portalyna bergen suhbatynda qazaqstandyq áskeriler teoriialyq turǵyda Siriiaǵa jiberiletin bolsa, olar qandai da bir tarapty qoldamaitynyn aitady.
Eske sala keteiik, osyǵan deiin túrik jáne reseilik BAQ-tar Reseidiń Qazaqstan áskerlerin Siriiaǵa jiberý týraly usynys aitqanyn habarlaǵan bolatyn. Reseidiń Qorǵanys jónidegi komitetiniń basshysy Vladimir Shamanov Máskeýdiń Qazaqstanmen jáne Reseimen áskerilerdi Siriiaǵa jiberý týraly kelissózder júrgizip jatqanyn rastady. Sondai-aq, ol ázirshe sheshimniń qabyldanbaǵanyn aityp ótti.
