Oblystyq «Qazaqstan – Shymkent» telearnasy «Ońtústik» ataýyna ie boldy. Endi telearna logotipi jańadan bekitilgen latyn álipbiine sáikestendirilip, «On’tu’stik» bolyp jazylady. Bul týraly «Mega Planet» oiyn-saýyq ortalyǵynda ótken telearnanyń 2017-2018 jylǵy maýsymynyń tusaýkeser jiynynda aityldy, dep habarlaidy "Ult aqparat".
«Qazaqstan» teleradiokorporatsiiasy ózine tiesili barlyq media-ortalyqtarǵa osyndai ózgeris engizdi. Endi korporatsiia quramyndaǵy «Qazaqstan», «Qazsport», «Balapan» respýblikalyq arnalary men 14 aimaqtyq telearna, 4 radionyń logotipteri jańaryp, ataýlary latyn qarpi negizinde jazylatyn boldy.
Tusaýkeser jiynda «Qazaqstan» teleradio korporatsiiasy aimaqtardy damytý boiynsha basqarma tóraǵasynyń orynbasary Serik Egizbaev sóz sóilep, jańa ózgerister jóninde áńgimelep berdi. Onyń aitýynsha, bul ózgeris korporatsiiaǵa tiesili barlyq aimaqtyq arnalarda oryn alyp otyr. Máselen, burynǵy «Qazaqstan-Aqtaý» telearnasy endi «Man`g`ystau» atalsa, «Qazaqstan-Pavlodar» arnasy «Ertis» ataýyna ie bolmaq.
Jańa ataýǵa ie bolǵan «On’tu’stik» telearnasynyń tusaýkeserine oblys ákiminiń orynbasary Ulasbek Sádibekov qatysyp, jańa maýsymnyń ashylýymen quttyqtady. Jiynda telearnanyń tyń jobalary tanystyryldy. Jańa maýsymda oblys jurtshylyǵy nazaryna jańa baǵdarlamalar usynylmaq. Turaqty túrde berilip otyratyn «Ońtústik-aqparat», «Tań nury» baǵdarlamalarynyń qataryna óńirdiń tarihy men mádenietinen syr shertetin «El men jer» habary qosylmaq. Qoǵam qairatkerleri men ádebiet salasynyń ókilderi tyń dúnielerdi talqylaityn «Ádebiet – ardyń isi» baǵdarlamasy kórermender nazaryna usynylmaq. Qoǵamnyń túrli saladaǵy ózgeristerin kórsetetin «Bizdiń stýdiia», kúlki men saýyq syilaityn «Kóńildi kesh» baǵdarlamalary kórermenderine jol tartpaq. Sondai-aq, telearna kishkentai balalarǵa arnap mýlttoptama túsirýdi de qolǵa alyp otyr.
