Qazaqstannan qomaqty somada deklaratsiialanbaǵan taýar men valiýta shyǵarmaq bolǵan Ózbekstan azamattary ustaldy, dep habarlaidy "Ult aqparat".
«QR UQK Shekara qyzmetiniń «Ońtústik» óńirlik basqarmasyna qarasty Saryaǵash shekara otriadynyń «Saryaǵash» temirjol kólikterin ótkizý bólimshesiniń shekara nariady «Rybachii - Tashkent» baǵytymen ketip bara jatqan poiyzdyń vagonynan Ózbekstan azamatyn ustady. Ol ózimen birge Memlekettik shekaradan 5 400 000 teńgeniń deklaratsiialanbaǵan taýarlaryn (449 dana gaz qubyrynyń eseptegishin) jasyryn alyp ótpek boldy. Taýar tárkilenip tiisti oryndarǵa ótkizildi», - delingen QR UQK Shekara qyzmetine baspasóz qyzmetiniń málimetinde.
Budan bólek, «Qazyǵurt» avtokólikterdi ótkizý bólimshesi qyzmetkerleri valiýtany zańsyz ótkizý faktisin anyqtady. Ol jerdegi shekara nariady elden shyǵyp bara jatqan júrgizýshisi Ózbekstan azamatynyń Leksýs 570 avtokóligin keden qyzmetkerlerimen birge teksergen. Osy oraida 40 100 AQSh dollarynyń zańsyz shyǵarylyp bara jatqandyǵy tirkeldi. Bul fakti boiynsha akt jasalynyp, tiisti oryndarǵa tapsyryldy.
