Koronavirýsqa bailanysty bir aida Qazaqstan shekarasynan ótetin adamdar sany 10 esege azaidy. Bul týraly QR Ulttyq qaýipsizdiń komiteti tóraǵasynyń orynbasary – Shekara qyzmetiniń direktory Darhan Dilmanov málim etti, dep habarlaidy "Ult aqparat".
«Shekaradan ótetinder aitarlyqtai azaidy. Bizde jylyna 48 millionǵa jýyq adam ótedi, iaǵni olardyń arasynda bizdiń azamattar men ózge de elderdiń azamattary bar. Qazir bir aidyń barysynda 10 esege azaiǵanyn baiqap otyrmyz. Bul túsinikti reaktsiia (koronavirýsqa qatysty), sebebi adamdar óziniń densaýlyǵyna alańdaityny belgili», - dedi Dilmanov Senatta tilshiler saýalyna jaýap bere otyryp.
Onyń sózine qaraǵanda, shekara kúzetinde turǵan áskeriler arasynda karantinge jatqyzylǵandar joq.
Sonymen qatar Darhan Dilmanov shekaradan ótkender koronavirýsqa qatysty týyndaǵan ahýaldy jaqsy túsinip júrgenin, sondyqtan eshqandai kelispeýshilik jaǵdailar bolmaǵanyn atap ótti.
«Jolaýshylar kelgen kezde, karantinge jiberilýi múmkin ekenin biledi. Bul turǵyda eshqandai problema kórip turǵanymyz joq», - dedi Shekara qyzmetiniń direktory.
