كوروناۆيرۋسقا بايلانىستى بٸر ايدا قازاقستان شەكاراسىنان ٶتەتٸن ادامدار سانى 10 ەسەگە ازايدى. بۇل تۋرالى قر ۇلتتىق قاۋٸپسٸزدٸڭ كوميتەتٸ تٶراعاسىنىڭ ورىنباسارى – شەكارا قىزمەتٸنٸڭ ديرەكتورى دارحان دٸلمانوۆ مەلٸم ەتتٸ, دەپ حابارلايدى "ۇلت اقپارات".
«شەكارادان ٶتەتٸندەر ايتارلىقتاي ازايدى. بٸزدە جىلىنا 48 ميلليونعا جۋىق ادام ٶتەدٸ, ياعني ولاردىڭ اراسىندا بٸزدٸڭ ازاماتتار مەن ٶزگە دە ەلدەردٸڭ ازاماتتارى بار. قازٸر بٸر ايدىڭ بارىسىندا 10 ەسەگە ازايعانىن بايقاپ وتىرمىز. بۇل تٷسٸنٸكتٸ رەاكتسييا (كوروناۆيرۋسقا قاتىستى), سەبەبٸ ادامدار ٶزٸنٸڭ دەنساۋلىعىنا الاڭدايتىنى بەلگٸلٸ», - دەدٸ دٸلمانوۆ سەناتتا تٸلشٸلەر ساۋالىنا جاۋاپ بەرە وتىرىپ.
ونىڭ سٶزٸنە قاراعاندا, شەكارا كٷزەتٸندە تۇرعان ەسكەريلەر اراسىندا كارانتينگە جاتقىزىلعاندار جوق.
سونىمەن قاتار دارحان دٸلمانوۆ شەكارادان ٶتكەندەر كوروناۆيرۋسقا قاتىستى تۋىنداعان احۋالدى جاقسى تٷسٸنٸپ جٷرگەنٸن, سوندىقتان ەشقانداي كەلٸسپەۋشٸلٸك جاعدايلار بولماعانىن اتاپ ٶتتٸ.
«جولاۋشىلار كەلگەن كەزدە, كارانتينگە جٸبەرٸلۋٸ مٷمكٸن ەكەنٸن بٸلەدٸ. بۇل تۇرعىدا ەشقانداي پروبلەما كٶرٸپ تۇرعانىمىز جوق», - دەدٸ شەكارا قىزمەتٸنٸڭ ديرەكتورى.
