Qazaqstan shekaradaǵy jaǵdaiǵa bailanysty Qytaiǵa nota joldady. Bul týraly premer-ministr Asqar Maminniń Májilis depýtattary tobynyń keden beketterindegi júk aǵyny problemalary týraly saýalyna bergen jaýabynda aitylǵan, - dep habarlaidy Tengrinews.kz.
"10 qarashadan bastap Qytai tarapy Qazaqstan tarapynan qabyldanatyn avtokólik quraldarynyń (ATS) sanyn shektedi jáne eksporttyq taýary bar ATS-ty aýystyrýǵa tyiym saldy. Anyqtama úshin: 10-24 qarasha aralyǵynda Qytai tarapy 381 ATS qabyldady. Bul máseleni sheshý úshin Syrtqy ister ministrligi QHR-dyń Qazaqstan Respýblikasyndaǵy Elshiligine nota joldady", - delingen jaýapta.
Maminniń aitýynsha, qabyldanyp jatqan bos mashinalar sanynyń tómendeý sebepteri týraly, sondai-aq eksporttyq taýary bar avtokólik quraldarynyń júrýine tyiym salý týraly resmi aqparat Qytai tarapynan túsken joq.
