Sýret: pixabay
Qaraǵandy oblysy Shahtinsk qalasyndaǵy "Qazaqstan" shahtasynda shyqqan órt kezinde qaza tapqan qyzmetkerdiń aty-jóni belgili boldy, - dep habarlaidy "Ult aqparat".
"ArselorMittal Temirtaý Kómir departamentiniń «Qazaqstan» shahtasyndaǵy órt saldarynan kompaniia qyzmetkeri, 1965 jyly týǵan Vitalii Vladimirovich Sliýnkov (jerasty elektrsheberi, 5-razriad, eńbek ótili - 39 jyl) qaza tapty. Biz marqumnyń otbasyna qaiǵyryp, kóńil aitamyz" - delingen kompaniia habarlamasynda.
Apat kezinde jer astynda 227 qyzmetker bolǵan. Apatty joiý josparyn dereý engizý arqyly 222 adamdy jer betine kóterip úlgergen, qalǵan tórt kenshini izdestirý jumystary jalǵasyp jatyr.
«Qazirgi ýaqytta jeldetýdiń durys rejimin qalpyna keltirý jáne kenshilerimizdi izdeýdi jalǵastyrý úshin órtti oqshaýlaý jumystary júzege asyrylyp jatyr. Qutqarý qyzmetteriniń 12 bólimshesi jumys ústinde. Biz marqumnyń otbasyna qaiǵyryp kóńil aitamyz, olarǵa barynsha qoldaý kórsetemiz», - deidi «ArselorMittal Temirtaý» AQ atqarýshy direktory Viktor Gafiýlov.
Kompaniia apattyń sebepterin tolyq tergeý úshin memlekettik organdarmen birigip qyzmet etip jatyr.
