سۋرەت: pixabay
قاراعاندى وبلىسى شاحتينسك قالاسىنداعى "قازاقستان" شاحتاسىندا شىققان ٶرت كەزٸندە قازا تاپقان قىزمەتكەردٸڭ اتى-جٶنٸ بەلگٸلٸ بولدى, - دەپ حابارلايدى "ۇلت اقپارات".
"ارسەلورميتتال تەمٸرتاۋ كٶمٸر دەپارتامەنتٸنٸڭ «قازاقستان» شاحتاسىنداعى ٶرت سالدارىنان كومپانييا قىزمەتكەرٸ, 1965 جىلى تۋعان ۆيتاليي ۆلاديميروۆيچ سليۋنكوۆ (جەراستى ەلەكترشەبەرٸ, 5-رازرياد, ەڭبەك ٶتٸلٸ - 39 جىل) قازا تاپتى. بٸز مارقۇمنىڭ وتباسىنا قايعىرىپ, كٶڭٸل ايتامىز" - دەلٸنگەن كومپانييا حابارلاماسىندا.
اپات كەزٸندە جەر استىندا 227 قىزمەتكەر بولعان. اپاتتى جويۋ جوسپارىن دەرەۋ ەنگٸزۋ ارقىلى 222 ادامدى جەر بەتٸنە كٶتەرٸپ ٷلگەرگەن, قالعان تٶرت كەنشٸنٸ ٸزدەستٸرۋ جۇمىستارى جالعاسىپ جاتىر.
«قازٸرگٸ ۋاقىتتا جەلدەتۋدٸڭ دۇرىس رەجيمٸن قالپىنا كەلتٸرۋ جەنە كەنشٸلەرٸمٸزدٸ ٸزدەۋدٸ جالعاستىرۋ ٷشٸن ٶرتتٸ وقشاۋلاۋ جۇمىستارى جٷزەگە اسىرىلىپ جاتىر. قۇتقارۋ قىزمەتتەرٸنٸڭ 12 بٶلٸمشەسٸ جۇمىس ٷستٸندە. بٸز مارقۇمنىڭ وتباسىنا قايعىرىپ كٶڭٸل ايتامىز, ولارعا بارىنشا قولداۋ كٶرسەتەمٸز», - دەيدٸ «ارسەلورميتتال تەمٸرتاۋ» اق اتقارۋشى ديرەكتورى ۆيكتور گافيۋلوۆ.
كومپانييا اپاتتىڭ سەبەپتەرٸن تولىق تەرگەۋ ٷشٸن مەملەكەتتٸك ورگاندارمەن بٸرٸگٸپ قىزمەت ەتٸپ جاتىر.
