Sýret: wikimedia
«Qazaqstan» shahtasynda 17 tamyzda bolǵan órt ornynda jumys júrgizip jatqan jumysshylar shuǵyl túrde jer betine kóterildi, dep habarlaidy "Ult aqparat" "ArselorMittal" kompaniiasynyń baspasóz qyzmetine silteme jasap.
«Qazaqstan» kenishinde 17 tamyzda bolǵan apattan keiin apatty aimaqqa (D6 qabatynyń kómir eńisi) irgeles jatqan eski qazbalar men lintelderge tekserý júrgizildi. 2003 jyly salynǵan №S14 linteldi tekserý barysynda jańa oqshaýlaǵysh linteldi ornatý týraly sheshim qabyldandy.
11 qazanda jańa oqshaýlaǵysh linteldiń qurylysyna daiyndyq boiynsha tehnikalyq jumystardy júrgizý kezinde Kásibi áskerilendirilgen avariialyq-qutqarý qyzmetiniń sarbazdary eski linteldiń aýzynan oqshaýlanǵan keńistikten 50 metr artta ornalasqan massivti jylytý oshaǵyn tapty. Bul apata týraly habarlanǵan boida tótenshe jaǵdaidy joiý jóninde jospar engizildi.
Shahtada 106 adam bolǵan. Saǵat 13:50-de barlyq jumysshy jer betine shyqty. Zardap shekkender joq. Tekserý júrgizý úshin shahtaǵa KÁAQQ-niń qosymsha 2 bólimshesi jetti" - delingen habarlamada.
Eske salaiyq, 17 tamyzda Qaraǵandy oblysyndaǵy «Qazaqstan» shahtasynda órt shyqqan bolatyn.
Apat kezinde jer astynda 227 kenshi boldy. 222 adam jer betine jedel kóterildi, segizi zardap shekti. Shahtanyń astynda qalyp qoiǵan bes kenshiniń denesi tabyldy.
18 tamyzdaǵy jaǵdai boiynsha, meditsina mekemelerinde órtten zardap shekken 11 kenshi em qabyldap jatty.
Prezident Qasym-Jomart Toqaev órt sebebin anyqtaý úshin jan-jaqty tergeý júrgizýdi tapsyrdy.
Al 18 qyrkúiekte QR TJ ministri Syrym Sháriphanov úkimettik komissiianyń tergeý qorytyndysyn jariialady. Saraptama qorytyndysy boiynsha jumys berýshi 100% kináli dep tanyldy.
