سۋرەت: wikimedia
«قازاقستان» شاحتاسىندا 17 تامىزدا بولعان ٶرت ورنىندا جۇمىس جٷرگٸزٸپ جاتقان جۇمىسشىلار شۇعىل تٷردە جەر بەتٸنە كٶتەرٸلدٸ, دەپ حابارلايدى "ۇلت اقپارات" "ارسەلورميتتال" كومپانيياسىنىڭ باسپاسٶز قىزمەتٸنە سٸلتەمە جاساپ.
«قازاقستان» كەنٸشٸندە 17 تامىزدا بولعان اپاتتان كەيٸن اپاتتى ايماققا (D6 قاباتىنىڭ كٶمٸر ەڭٸسٸ) ٸرگەلەس جاتقان ەسكٸ قازبالار مەن لينتەلدەرگە تەكسەرۋ جٷرگٸزٸلدٸ. 2003 جىلى سالىنعان №س14 لينتەلدٸ تەكسەرۋ بارىسىندا جاڭا وقشاۋلاعىش لينتەلدٸ ورناتۋ تۋرالى شەشٸم قابىلداندى.
11 قازاندا جاڭا وقشاۋلاعىش لينتەلدٸڭ قۇرىلىسىنا دايىندىق بويىنشا تەحنيكالىق جۇمىستاردى جٷرگٸزۋ كەزٸندە كەسٸبي ەسكەريلەندٸرٸلگەن اۆارييالىق-قۇتقارۋ قىزمەتٸنٸڭ ساربازدارى ەسكٸ لينتەلدٸڭ اۋزىنان وقشاۋلانعان كەڭٸستٸكتەن 50 مەتر ارتتا ورنالاسقان ماسسيۆتٸ جىلىتۋ وشاعىن تاپتى. بۇل اپاتا تۋرالى حابارلانعان بويدا تٶتەنشە جاعدايدى جويۋ جٶنٸندە جوسپار ەنگٸزٸلدٸ.
شاحتادا 106 ادام بولعان. ساعات 13:50-دە بارلىق جۇمىسشى جەر بەتٸنە شىقتى. زارداپ شەككەندەر جوق. تەكسەرۋ جٷرگٸزۋ ٷشٸن شاحتاعا كەاقق-نٸڭ قوسىمشا 2 بٶلٸمشەسٸ جەتتٸ" - دەلٸنگەن حابارلامادا.
ەسكە سالايىق, 17 تامىزدا قاراعاندى وبلىسىنداعى «قازاقستان» شاحتاسىندا ٶرت شىققان بولاتىن.
اپات كەزٸندە جەر استىندا 227 كەنشٸ بولدى. 222 ادام جەر بەتٸنە جەدەل كٶتەرٸلدٸ, سەگٸزٸ زارداپ شەكتٸ. شاحتانىڭ استىندا قالىپ قويعان بەس كەنشٸنٸڭ دەنەسٸ تابىلدى.
18 تامىزداعى جاعداي بويىنشا, مەديتسينا مەكەمەلەرٸندە ٶرتتەن زارداپ شەككەن 11 كەنشٸ ەم قابىلداپ جاتتى.
پرەزيدەنت قاسىم-جومارت توقاەۆ ٶرت سەبەبٸن انىقتاۋ ٷشٸن جان-جاقتى تەرگەۋ جٷرگٸزۋدٸ تاپسىردى.
ال 18 قىركٷيەكتە قر تج مينيسترٸ سىرىم شەرٸپحانوۆ ٷكٸمەتتٸك كوميسسييانىڭ تەرگەۋ قورىتىندىسىن جارييالادى. ساراپتاما قورىتىندىسى بويىنشا جۇمىس بەرۋشٸ 100% كٸنەلٸ دەپ تانىلدى.
