TMD media-keńistiginde Qazaqstan óz aýmaǵynda kómir tielgen reseilik 1700 temirjol vagonynyń qozǵalysyn buǵattap tastaǵan degen aqparat jatyr. Qazaqstan Respýblikasy Indýstriia jáne infraqurylymdyq damý ministrligi Kólik komitetiniń málimetinshe, bul habarlamalar shyndyqqa janaspaidy, iaǵni jalǵan bolyp tabylady.
Shyn máninde, Qazaqstan aýmaǵynda kómir tielgen 1700 birlik kólemindegi reseilik vagondar joq. RTJ joldarynda da Qazaqstanǵa baǵyttalǵan, ia bolmasa Qazaqstannan shyqqan kómiri bar vagondar tirkelmegen.
"Resei temir joldarymen shtattyq rejimde jumys istep jatyrmyz, eksport pen import boiynsha eshqandai kidiris joq", – deidi QR IIDM Kólik komiteti temirjol infraqurylymy jáne júk tasymaly basqarmasynyń basshysy Sátjan Ózbekov.
"Qazaqstan Respýblikasy Indýstriia jáne infraqurylymdyq damý ministrligi reseilik tranzittik vagondardyń keshigýi týraly jalǵan aqparatty – eki el arasyndaǵy tatý kórshilik qatynastardy álsiretip, bedelin túsirýge baǵyttalǵan qasaqana jasalǵan is-áreket retinde qarastyrady.
Sondai-aq, IIDM jalǵan aqparat taratqany úshin Qazaqstan jáne Resei zańnamasynda da jaýapkershilik kózdelgenin eske salady" - delingen resmi habarlamada.
