Reseimen shekarada qazaqstandyqtar men azyq-túlik tasymaldaityn kólikter úshin jasyl dáliz qurý josparlanyp otyr. Bul týraly Premer-ministrdiń orynbasary - saýda jáne integratsiia ministri Serik Jumanǵarin málimdedi, - dep habarlaidy Massaget.kz.
Ol Qazaqstanǵa kelgen reseilikterdiń sany el halqymen salystyrǵanda az ekenin jáne bul olardyń azyq-túlik qaýipsizdigine áser etpeitinin túsindirdi.
"Aimaqtyq disproportsiialar bolýy múmkin, biraq qazir bul máselelerdi sheship jatyrmyz. Keshe memlekettik organdarmen, sonyń ishinde quqyq qorǵaý organdarymen keńes ótkizdim. Resei premer-ministriniń orynbasarymen de sóilestim. Sebebi shekaranyń arǵy jaǵynda qazaqstandyq azamattar da, azyq-túlik kólikteri de óte almai tur.
Kelisken siiaqtymyz, ol (Resei premer-ministriniń orynbasary - esk.) tiisti ereje jasady. Búgin shekara qyzmetteri bir-birimen sóilesedi. Olar bizdiń azamattar men azyq-túlik kólikteri úshin jasyl dáliz jasaýǵa tyrysady. Bul máselede úlken problemalardy kórmeimin", - dedi Jumanǵarin.
