Qazaqstan prezidentin ulyqtaý rásimi 12 maýsymda ótýi múmkin. Bul týraly Qasym-Jomart Toqaev sheteldik jáne otandyq BAQ ókilderimen ótken baspasóz máslihatynda aitty, dep habarlaidy Sputnik Qazaqstan tilshisi.
"Prezidentti ulyqtaý rásimin 12-si ótkizýdi josparlap otyrmyz. Eger sol ýaqytqa qarai Ortalyq sailaý komissiiasy daýys berý qorytyndysyn jinaqtap, resmi esepti jariialap úlgerse, árine. 14-i kúni maǵan Bishkekke ushý kerek, odan keiin Dýshanbe, iri halyqaralyq sharalar bar. Sondyqtan Qazaqstan Respýblikasynyń prezidenti óz ókilettiginde bolǵany jaqsy", - dedi Toqaev.
Ulyqtaý rásimi qalai ótedi?
Zań boiynsha jańadan sailanǵan Qazaqstan prezidentin ulyqtaý rásimi daýys berý qorytyndysy jariialanǵan kúnnen bastap bir ai ishinde ótkiziledi. Ant berý kúnin Ortalyq sailaý komissiiasy belgileidi.
Prezident halyqqa ant bergen soń qyzmetine kirisedi. Memleket basshysy anttyń mátinin memlekettik tilde aitady.
Ant berý saltanatty jaǵdaida parlament depýtattarynyń, Konstitýtsiialyq keńes músheleriniń, Joǵarǵy sot sýdialarynyń, sondai-aq eldiń barlyq burynǵy prezidentteriniń qatysýymen ótkiziledi.
Prezident eldiń Konstitýtsiiasyna ant etedi. Ant berilgennen keiin Qazaqstan respýblikasynyń memlekettik gimni oryndalady. Ortalyq sailaý komissiiasynyń tóraǵasy prezidentke Qazaqstan respýblikasy prezidentiniń kýáligin, omyraýǵa taǵatyn belgisin, bairaǵyn jáne "Altyn qyran" ordenin tapsyrady.
Prezident sailaýy
Aita ketsek, 10 maýsymda Ortalyq sailaý komissiiasy prezident sailaýynyń aldyn ala qorytyndysyn jariialady. Nur Otan partiiasy atynan sailaýǵa túsken Qasym-Jomart Toqaev 70,76% daýys jinap, jeńiske jetti.
Óńirler boiynsha saralasaq, Qasym-Jomart Toqaevqa eń kóp daýysty Almaty oblysynyń, al eń az daýysty Mańǵystaý oblysynyń turǵyndary bergen.
Qasym-Jomart Toqaevty sailaýdaǵy aiqyn jeńisimen Ózbekstan, Qyrǵyzstan, Tájikstan, Túrkiia, Resei prezidentteri quttyqtap úlgerdi.
