قازاقستان پرەزيدەنتٸن ۇلىقتاۋ رەسٸمٸ 12 ماۋسىمدا ٶتۋٸ مٷمكٸن. بۇل تۋرالى قاسىم-جومارت توقاەۆ شەتەلدٸك جەنە وتاندىق باق ٶكٸلدەرٸمەن ٶتكەن باسپاسٶز مەسليحاتىندا ايتتى, دەپ حابارلايدى Sputnik قازاقستان تٸلشٸسٸ.
"پرەزيدەنتتٸ ۇلىقتاۋ رەسٸمٸن 12-سٸ ٶتكٸزۋدٸ جوسپارلاپ وتىرمىز. ەگەر سول ۋاقىتقا قاراي ورتالىق سايلاۋ كوميسسيياسى داۋىس بەرۋ قورىتىندىسىن جيناقتاپ, رەسمي ەسەپتٸ جارييالاپ ٷلگەرسە, ەرينە. 14-ٸ كٷنٸ ماعان بٸشكەككە ۇشۋ كەرەك, ودان كەيٸن دۋشانبە, ٸرٸ حالىقارالىق شارالار بار. سوندىقتان قازاقستان رەسپۋبليكاسىنىڭ پرەزيدەنتٸ ٶز ٶكٸلەتتٸگٸندە بولعانى جاقسى", - دەدٸ توقاەۆ.
ۇلىقتاۋ رەسٸمٸ قالاي ٶتەدٸ?
زاڭ بويىنشا جاڭادان سايلانعان قازاقستان پرەزيدەنتٸن ۇلىقتاۋ رەسٸمٸ داۋىس بەرۋ قورىتىندىسى جارييالانعان كٷننەن باستاپ بٸر اي ٸشٸندە ٶتكٸزٸلەدٸ. انت بەرۋ كٷنٸن ورتالىق سايلاۋ كوميسسيياسى بەلگٸلەيدٸ.
پرەزيدەنت حالىققا انت بەرگەن سوڭ قىزمەتٸنە كٸرٸسەدٸ. مەملەكەت باسشىسى انتتىڭ مەتiنiن مەملەكەتتiك تiلدە ايتادى.
انت بەرۋ سالتاناتتى جاعدايدا پارلامەنت دەپۋتاتتارىنىڭ, كونستيتۋتسييالىق كەڭەس مٷشەلەرٸنٸڭ, جوعارعى سوت سۋديالارىنىڭ, سونداي-اق ەلدٸڭ بارلىق بۇرىنعى پرەزيدەنتتەرٸنٸڭ قاتىسۋىمەن ٶتكٸزٸلەدٸ.
پرەزيدەنت ەلدٸڭ كونستيتۋتسيياسىنا انت ەتەدi. انت بەرiلگەننەن كەيiن قازاقستان رەسپۋبليكاسىنىڭ مەملەكەتتiك گيمنi ورىندالادى. ورتالىق سايلاۋ كوميسسيياسىنىڭ تٶراعاسى پرەزيدەنتكە قازاقستان رەسپۋبليكاسى پرەزيدەنتiنiڭ كۋەلiگiن, ومىراۋعا تاعاتىن بەلگiسiن, بايراعىن جەنە "التىن قىران" وردەنiن تاپسىرادى.
پرەزيدەنت سايلاۋى
ايتا كەتسەك, 10 ماۋسىمدا ورتالىق سايلاۋ كوميسسيياسى پرەزيدەنت سايلاۋىنىڭ الدىن الا قورىتىندىسىن جارييالادى. Nur Otan پارتيياسى اتىنان سايلاۋعا تٷسكەن قاسىم-جومارت توقاەۆ 70,76% داۋىس جيناپ, جەڭٸسكە جەتتٸ.
ٶڭٸرلەر بويىنشا سارالاساق, قاسىم-جومارت توقاەۆقا ەڭ كٶپ داۋىستى الماتى وبلىسىنىڭ, ال ەڭ از داۋىستى ماڭعىستاۋ وبلىسىنىڭ تۇرعىندارى بەرگەن.
قاسىم-جومارت توقاەۆتى سايلاۋداعى ايقىن جەڭٸسٸمەن ٶزبەكستان, قىرعىزستان, تەجٸكستان, تٷركييا, رەسەي پرەزيدەنتتەرٸ قۇتتىقتاپ ٷلگەردٸ.
