Qazaqstan Prezidenti Qasym-Jomart Toqaev keibir tapsyrmalardy WhatsApp arqyly beretinin aitty, dep jazady Sputnik agenttigi.
Memleket basshysy "stýdenttik shaqta tanysqan adamdarmen aralasasyz ba?" degen saýalǵa da jaýap berdi.
"Qazir olarmen únemi bailanysta bola almaimyn. Reseige kelgende kezdesýge tyrysamyn. Biraq qazir internet bar, áleýmettik jelilerdi de qoldanamyn. Tipti keibir tapsyrmalardy WhatsApp arqyly beremin", - dedi Toqaev "Rossiia" telearnasyna bergen suqbatynda.
Onyń aitýynsha, bul qaýipsizdik jaǵynan durys bolmasa da, jumys óte jyldam istelinedi.
Sondai-aq, ol Twitter-di belsendi qoldanatynyn aitty. BUU-da istegen kezde osy jelige úirengen.
"Ol uiymda bárimizdiń jeke paraqshamyz bolýy kerek edi. Árine, mende sol ádet qaldy. Twitter–di jeke telegraf agenttigi deýge bolady", - dedi ol.
Prezident Instagram-dy da paidalanatynyn aitty.
"Bul jelini prezident bolǵan soń paidalana bastadym. Maǵan paraqsha ashýǵa keńes berdi" , - dedi ol.
