Memleket basshysy Oral qalasynda biyl ashylǵan «Uniserv medical center» kópsalaly meditsina ortalyǵyn aralap kórdi, dep habarlaidy "Ult aqparat" Aqordaǵa silteme jasap.
Zamanýi tehnikalarmen jabdyqtalǵan densaýlyq saqtaý mekemesi aldyn ala zerttelip, suranysqa sai beiimdelip salynǵan. Buryndary oblys turǵyndary emdelý úshin kórshi eldiń qalalaryna kóptep baratyn. Endi jergilikti turǵyndar osy ortalyqtan aq, sapaly meditsinalyq kómek alyp otyr.
Jeke investitsiia esebinen salynǵan meditsinalyq ortalyq kóz jáne tis aýrýlary boiynsha konsýltatsiialyq-diagnostikalyq qyzmet kórsetedi.
Qazaqstan Prezidenti ortalyqty óz qarjysyna salyp, mamandaryn Ońtústik Koreiada, Reseide oqytqan investorǵa rizashylyǵyn bildirip, meditsina qyzmetkerleriniń jumysyna sáttilik tiledi.
