Ortalyq sailaý komissiiasy tóraǵasynyń orynbasary Konstantin Petrov Qazaqstan Prezidenti úmitkerlerine zań qandai talaptar qoiylatynyn atady, - dep habarlaidy Tengrinews.kz agenttigi.
Kandidattarǵa qoiylatyn talaptar:
- QR azamaty bolý;
- Keiingi 15 jylda QR aýmaǵynda turýy;
- Joǵary biliminiń bolýy;
- Jasy 40-qa tolǵan bolýy;
- Belsendi sailaý quqyǵynyń bolýy;
- Memlekettik qyzmette nemese sailanbaly laýazymda keminde 5 jyl jumys tájiribesiniń bolýy;
- Memlekettik tildi erkin meńgerýi.
"Prezidenttikke kandidattardy qoldaý oblystar, respýblikalyq mańyzy bar qalalardyń jáne Astananyń kem degende 2/3 atynan teńdei ókildik etetin sailaýshylar sanynyń kem degende 1 paiyzynyń qolyn jinaýmen kýálandyrýy tiis. Qol qoiý paraqtaryn berý kandidattyń Konstitýtsiia men Konstitýtsiialyq zańnyń talaptaryna sáikestigin anyqtaǵannan keiin 5 kúnniń ishinde júrgiziledi", - deidi Petrov.
Ol búginde sailaý jarnasynyń mólsheri 3 million teńge ekenin túsindirdi. Sailaý jarnasy kandidatqa, eger ol laýazymǵa sailansa, ne daýys berýge qatysqandardyń barlyǵynan keminde 5 paiyz alsa, qaitarylady.
